بھارت کے غیرقانونی زیر تسلط جموں وکشمیر کے ضلع اسلام آباد میں کلائوڈ برسٹ سے پہلگام-آوورہ-بیج بہاڑہ سڑک کو نقصان

اتوار 12 جولائی 2026 11:22

سرینگر (اُردو پوائنٹ اخبارتازہ ترین - اے پی پی۔ 12 جولائی2026ء) بھارت کے غیرقانونی زیر تسلط جموں وکشمیر کے ضلع اسلام آباد میں اتوار کو کلائوڈ برسٹ سے پہلگام-آوورہ-بیج بہاڑہ سڑک کو نقصان پہنچا، جس سے ٹریفک میں خلل پڑا اور علاقے میں بجلی اور پینے کے پانی کی فراہمی معطل ہوگئی۔

(جاری ہے)

کشمیر میڈیا سروس کے مطابق شدید بارش سے سڑک کے ایک حصے کو شدید نقصان پہنچا جس سے علاقے میں رابطہ اور ضروری خدمات متاثر ہوئیں۔

احتیاطی تدابیر کے طور پر سیاحوں کو محفوظ مقامات پر منتقل کیا گیا۔فوری طور پر کسی جانی نقصان کی کوئی اطلاع نہیں ہے۔ موسلا دھارکے بعد بجلی اور پینے کے پانی کی سپلائی متاثر ہوئی۔مقامی لوگوں نے انتظامیہ پر زور دیا کہ وہ تباہ شدہ سڑک کی بحالی اور بجلی اور پینے کے پانی کی سپلائی کو جلد از جلد بحال کرے تاکہ مقامی رہائشیوں اور سیاحوں کو درپیش مشکلات کو کم کیا جاسکے۔