خواجہ آصف کی اطالوی وزیر دفاع سے ملاقات، دفاعی و فوجی تعاون پر بات چیت

علاقائی امن و سلامتی، اقوام متحدہ کے امن مشن اور عالمی دہشتگردی کیخلاف مشترکہ جدوجہد پر بھی اتفاق

جمعہ 2 اکتوبر 2026 23:05

روم(اُردو پوائنٹ اخبارتازہ ترین - این این آئی۔ 02 اکتوبر2026ء) وزیر دفاع خواجہ محمد آصف نے اٹلی کے وزیر دفاع گوئیڈو کروسیٹو سے روم میں ملاقات کی۔ملاقات میں دفاعی، فوجی اور سیکیورٹی تعاون کے تمام پہلوں پر تفصیلی بات چیت ہوئی۔ دونوں ممالک نے تعاون کو مزید گہرا اور وسیع بنانے کا عزم ظاہر کیا۔

(جاری ہے)

دونوں رہنمائوں نے ملاقات میں علاقائی امن و سلامتی، اقوام متحدہ کے امن مشن اور عالمی دہشت گردی کے خلاف مشترکہ جدوجہد پر بھی اتفاق کیا۔ خواجہ آصف نے اطالوی وزیر دفاع کو پاکستان آنے کی دعوت دی جسے انہوں نے خوشی سے قبول کرلیا۔ دونوں وزراء اس سے پہلے فروری 2026میں میونخ سیکیورٹی کانفرنس کے موقع پر بھی مل چکے ہیں۔