جوڈیشل کمپلیکس حملہ کیس؛ انسداد دہشت گردی عدالت کا عمران خان کو پیش کرنے کا حکم

فرخ حبیب، مراد سعید، حماد اظہر اور شبلی فراز اشتہاری قرار، واثق قیوم اور حسن خان نیازی کے وارنٹِ گرفتاری جاری

ساجد علی پیر 5 اکتوبر 2026 12:52

جوڈیشل کمپلیکس حملہ کیس؛ انسداد دہشت گردی عدالت کا عمران خان کو پیش ..

اسلام آباد (اُردو پوائنٹ اخبارتازہ ترین۔ 05 اکتوبر 2026ء) اسلام آباد کی انسدادِ دہشت گردی عدالت نے جوڈیشل کمپلیکس حملہ کیس میں پاکستان تحریکِ انصاف کے بانی چیئرمین عمران خان کو آئندہ سماعت پر عدالت میں پیش کرنے کا حکم دے دیا۔ اطلاعات کے مطابق انسدادِ دہشت گردی عدالت کے جج طاہر عباس سپرا نے کیس کی سماعت کی، جس دوران عدالت نے حکم دیا کہ بانی پی ٹی آئی کو آئندہ پیشی پر یا تو جسمانی طور پر یا پھر بذریعہ ویڈیو لنک عدالت کے روبرو پیش کیا جائے، تھانہ رمنا میں درج اس مقدمے کی مزید سماعت اب 5 نومبر تک ملتوی کر دی گئی۔

(جاری ہے)

*انسداددہشت گردی عدالت اسلام آباد*

بانی پی ٹی آئی ودیگر کیخلاف جوڈیشل کمپلیکس حملہ کیس

*عدالت نے کیس کی اگلی سماعت میں بانی پی ٹی آئی کو پیش کرنے کا حکم دے دیا*

بانی پی ٹی آئی کو فزیکلی یا بذریعہ ویڈیو لنک عدالت میں پیش کیا جائے، جج طاہر عباس سپرا

*سابق وزرا فرح حبیب، حماد…
— Siddeeq Sajid (@S_SajidOfficial) October 5, 2026

بتایا گیا ہے کہ عدالت نے کارروائی کے دوران کیس میں نامزد اہم سابق وفاقی وزرا اور رہنماؤں کے خلاف بھی سخت احکامات جاری کیے، عدالت نے روپوش یا عدم پیشی پر سابق وفاقی وزرا فرخ حبیب، مراد سعید، حماد اظہر اور شبلی فراز کو باضابطہ طور پر اشتہاری قرار دے دیا۔

معلوم ہوا ہے کہ عدالت کی جانب سے تمام اشتہاری ملزمان کی جائیدادوں کی تفصیلی تفصیلات بھی طلب کر لی گئی ہیں، اس کے علاوہ مقدمے میں سابق ڈپٹی اسپیکر پنجاب اسمبلی واثق قیوم اور پی ٹی آئی کے رکنِ صوبائی اسمبلی حسن خان نیازی کے ناقابلِ ضمانت وارنٹِ گرفتاری جاری کردیئے گئے ہیں۔