اسرائیلی فوج کی فائرنگ سے ایک اور فلسطینی شہید،اسرائیلی فوجیوں نے مقتول پر یہودی فوجی پر چاقو سے حملے کا الزام عائد کیا تھا
مقبوضہ بیت المقدس ( اُردو پوائنٹ اخبارآن لائن۔17 اگست۔2015ء )اسرائیلی فورسز نے فلسطین کے مقبوضہ مغربی کنارے کے شمالی شہر نابلس میں فائرنگ کرکے ایک فلسطینی نوجوان کو شہید کر دیا۔فلسطینی ہلال احمر کی جانب سے فراہم کردہ اطلاعات میں بتایا گیا ہے کہ قابض فوجیوں نے فلسطینی نوجوان کو شام کے وقت ایک پولیس چوکی "حوارہ" کے قریب گولیاں ماریں جس سے وہ زخمی ہو گیا اور بعد ازاں زخموں کی تاب نہ لاتے ہوئے اسپتال پہنچائے جانے سے قبل دم توڑ گیا غیر ملکی میڈیا کے مطابق اسرائیلی فوجیوں نے مقتول پر ایک یہودی فوجی پر چاقو سے حملے کا الزام عاید کیا تھا جب کہ فلسطینی سیکیورٹی حکام کا کہنا ہے کہ حوارہ چوکی کے قریب سے گذرتے ہوئے اسرائیلی فوجیوں نے فلسطینی نوجوان کو ایک مشکوک بیگ لے جاتے ہوئے روکنے کا اشارہ کیا لیکن اس نے ان کی بات نہ سنی جس پر فوجیوں نے اسے گولیاں مار دیں۔
(جاری ہے)
مزید متعلقہ خبریں پڑھئیے :
