عوام کسی بھی سرکاری دفتر میں رشوت مانگنے والے کو سڑک پر گھسیٹیں،پرویز خٹک ،ہمارے منشور میں رشوت کی کوئی گنجائش نہیں،ہم عوام کو بلا امتیاز زندگی کی تمام سہولیات میرٹ پر فراہم کرنا چاہتے ہیں،جلسہ سے خطاب
شام (اُردو پوائنٹ اخبارآن لائن۔15دسمبر۔2015ء) وزیر اعلیٰ خیبر پختونخوا پرویز خٹک نے لوگوں سے کہا ہے کہ وہ کسی بھی سرکاری دفتر میں رشوت مانگنے والے کو سڑک پر گھسیٹیں ، کیونکہ ہمارے منشور میں رشوت کی کوئی گنجائش نہیں اور ہم عوام کو بلا امتیاز زندگی کی تمام سہولیات میرٹ پر فراہم کرنا چاہتے ہیں وہ پیر کے روز پورن ضلع شانگلہ میں ایک عظیم الشان جلسہ سے خطاب کر رہے تھے جس کے مہمان خصوصی چیئرمین پی ٹی آئی عمران خان تھے،وزیر اعلیٰ نے کہاکہ ہمیں اپنے منشور کے مطابق تعلیم ،صحت اور دیگر سہولیات کی فراہمی لوگ اپنی آ نکھوں سے آئندہ آٹھ دس ماہ میں دیکھ لیں گے او ر وہ خود کہیں گے کہ واقعی تبدیلی آگئی ہے انھوں نے عوام سے کہا کہ وہ صوبہ بھر میں ترقیاتی کاموں کی براہ راست نگرانی کریں او ر غلط کام کی صورت میں متعلقہ ٹھیکیدار کو کا م سے روکیں کیونکہ ہمار ا پنا کوئی ٹھیکیدار نہیں اور ہم عوام کو زندگی کی تمام سہولیات میرٹ اور معیار کے مطابق فراہم کرنے کا عزم کر چکے ہیں انھوں نے کہا کہ لوگ سکولوں ،ہسپتالوں،تھانوں ،پٹوارخانوں اور دیگر سرکاری محکموں میں ٹھوس تبدیلی محسوس کرلیں گے اور ان تمام مقامات پر رشوت لینے والوں کا مکمل خاتمہ ہوگا ،ہمارا منشور یہ ہے کہ لوگوں کو انصاف اور خوشحالی حاصل ہو اور وہ پاکستان سے محبت کرے انھوں نے کہا کہ ہماری کوششوں کا خلاصہ ایک ایسا نظام قائم کرناہے جس کے تحت تمام کام میرٹ ،انصاف اور شفافیت پر مبنی ہو ۔
(جاری ہے)
مزید متعلقہ خبریں پڑھئیے :
