دہشت گردوں ‘ سہولت کاروںکو کیفرِ کردار تک پہنچانے کیلئے بلا امتیاز کومبنگ اور سرچ آپریشنز کیے جارہے ہیں، ترجمان پنجاب پولیس

بدھ 1 مارچ 2017 23:16

لاہور۔یکم مارچ(اُردو پوائنٹ اخبار آن لائن۔ جمعرات 2 مارچ 2017ء)ترجمان پنجاب پولیس نے کہا ہے کہ سماج دشمن عناصر، دہشت گردوں اور ان کے سہولت کاروں کے گرد گھیرا تنگ کرنے اور انہیں کیفرِ کردار تک پہنچانے کے لیے پنجاب بھر میں علاقائی تعصب کو بالا ئے طاق رکھتے ہوئے بلا امتیاز و تفریق،علاقہ، رنگ ونسل اور فرقہ کومبنگ اور سرچ آپریشنز کیے جارہے ہیں جن کے خاطر خواہ نتائج سامنے آرہے ہیں لیکن کچھ لوگ اس مہم کو غلط رنگ دینے کی کوشش کر رہے ہیں اور سوشل میڈیا پر منڈی بہاؤالدین پولیس کی جانب سے جاری کیے گئے جعلی ایڈوائزری لیٹر کو بنیاد بنا کر بے جا پراپیگنڈا کیا جا رہا ہے حالانکہ پنجاب پولیس کی آفیشل فیس بک پیج پر اسی روز اس جعلی لیٹر کی تردید پوسٹ کر دی گئی تھی جسے اب تک لاکھوں لوگ دیکھ کر آگے لاکھوں لوگوں کو شیئر کر کے لائک کر چکے ہیں لیکن اس کے باوجود کچھ لوگ اب تک اس حوالے سے بے جا پراپیگنڈا کرتے نظر آرہے ہیں کہ پنجاب میں جاری آپریشن کے دوران پختونوں کو ٹارگٹ کیا جا رہا ہے جو کہ سراسر بے بنیاد اور حقائق کے منافی ہے۔

(جاری ہے)

ترجمان نے کہا ہے انسپکٹر جنرل پولیس پنجاب، مشتاق احمدسکھیرا نے کومبنگ اور سرچ آپریشنز کے بارے میں منعقدہ تمام اعلیٰ سطحی اجلاسوں اور ویڈیو لنک کانفرنسوں کے دوران اب تک جو ہدایات جاری کیں ان میں واضح طور پر یہ کہا گیا کہ یہ کومبنگ اور سرچ آپریشنز رنگ و نسل ،علاقائی تعصب اور فرقہ سے بالا تر ہو کرکیے جائیں اور کوئی بھی مشکوک شخص جو کسی بھی علاقے یا رنگ و نسل اور فرقہ سے ہو اسے بلا امتیاز چیک کیا جائے اورصرف ٹھوس ثبوت ہونے پر ہی کسی کی گرفتاری عمل میں لائی جائے اور ان ہدایات کی خلاف ورزی کے مرتکب پولیس افسروں و اہلکاروں کے خلاف سخت کارروائی کے احکامات بھی ریکارڈ پر ہیں۔

لہذا میڈیا سمیت مختلف فورمز پرایک خاص طبقے کو نشانہ بنائے جانے والے کے حوالے سے کیا جانے والا پراپیگنڈا سراسر بے بنیاد اور شر انگیز ہے جس کی ہر سطح پر حوصلہ شکنی کی جانی چاہئے۔ پنجاب پولیس ایک پروفیشنل فور س ہے جو جرائم پیشہ اور دہشت گردوں کے خلاف جاری جنگ میں شب و روز سرگرم عمل ہے اور محب وطن عوام کے جان، مال اور عزت کے تحفظ کو اپنا اولین فریضہ سمجھتی ہے لہذا یہ ممکن ہی نہیں کہ پنجاب میں جاری آپریشن کی آڑ میں کسی شریف یا محب وطن شہری کو علاقے یا رنگ و نسل اور فرقہ کی بنیاد پر نشانہ بنایا جائے۔

ترجمان نے کہا کہ کومبنگ اور سرچ آپریشنز کی آڑ میں کسی بھی شریف شہری کو ناجائز ہر اساں کرنے کی کسی بھی شکایت پر زیرو ٹالرنس کا مظاہرہ ہو گا اور کارروائی میں تاخیر نہیں ہوگی۔

Facebook Twitter Google + Share on Whatsapp

مزید متعلقہ خبریں پڑھئیے‎ :

اسلام آباد میں غیرملکی شہریوں کی سیکیورٹی کیلئے اسپیشل پروٹیکشن فورس بنانے کا فیصلہ

ہفتہ 27 اپریل 2024 - 16:27

انڈین پریمیئرلیگ ،پنجاب کنگز نے کولکتہ کے خلاف سب سے بڑے کامیاب تعاقب کا ریکارڈ بنا دیا، عالمی ریکارڈ بن گیا

ہفتہ 27 اپریل 2024 - 16:21

امریکی یونیورسٹیوں میں فلسطینیوں کے حق میں مظاہرے جاری‘احتجاج کرنے والے طلبہ کے ساتھ مذکرات ناکام

ہفتہ 27 اپریل 2024 - 15:43

پنجاب پولیس کی خاتون پولیس افسرایس ایس پی رفعت بخاری عالمی ایوارڈ کیلئے منتخب

ہفتہ 27 اپریل 2024 - 15:33

محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی کا محاذ سنبھال لیا

ہفتہ 27 اپریل 2024 - 15:11

تھائی لینڈ سے غیر قانونی درآمد 200نایاب کچھوے برآمد

ہفتہ 27 اپریل 2024 - 15:06

دہشت گردوں ‘ سہولت کاروںکو کیفرِ کردار تک پہنچانے کیلئے بلا امتیاز کومبنگ اور سرچ آپریشنز کیے جارہے ہیں، ترجمان پنجاب پولیس

مزید متعلقہ خبریں پڑھئیے‎ :

متعلقہ عنوان :

جمعرات 2 مارچ 2017 کی مزید خبریں