موصل کے شہریوں کی داعش سے آزادی کے بعد پہلی عید،ہرطرف جشن کا سماں

جگہ جگہ جھولے اور کھانے پینے کی چیزوں سے بچوں کی عید کی خوشیاں دوبالا، بازاروں میں رونقیں لوٹ آئیں

بدھ 28 جون 2017 17:14

موصل(اُردو پوائنٹ اخبار آن لائن۔ جمعرات 29 جون 2017ء)عراق کے شہر موصل میں شہریوں نے داعش سے آزادی کے بعد پہلی عید منا ئی ، جگہ جگہ جھولے اور کھانے پینے کی چیزوں سے بچوں کی عید کی خوشیاں دوبالا ہو گئیں جبکہ بازاروں میں بھی رونق لگی رہی۔غیر ملکی میڈیا کے مطابق عراقی شہر موصل کے باسیوں نے داعش سے آزادی کے بعد پہلی عید منائی ۔

(جاری ہے)

شہر کی گلیوں میں تین سال بعد عید کی رونقیں لوٹ آئی ہیں۔ رنگ برنگے کپڑوں میں ملبوس بچے کھل کر عید مناتے رہے ۔ جگہ جگہ بچے جھولے جھولتے اور خوشیاں مناتے نظر آئے۔ شہر کے بازاروں میں بھی عید کا جشن نمایاں ہے۔ دوسری جانب ریسٹورنٹس میں بھی لوگوں کا رش لگا رہا جہاں کھانے پینے کے علاوہ لوگ روایتی حقیسے بھی لطف اندوز ہو رتے رہے ۔ خیال رہے گزشتہ سال شروع کیے گئے آپریشن کے بعد داعش اب موصل شہر کی صرف تین کالونیوں تک محدود ہو کر رہ گئی ہے۔