اسلامی یونیورسٹی میں ایک روح پرور تقریب میں دوغیر مسلم چینی طالب علموں نے اسلام قبول کر لیا

جنہیں صدر جامعہ ڈاکٹر احمد یوسف الدریویش نے کلمہ پڑھایا

منگل 22 اگست 2017 22:36

اسلام آباد (اُردو پوائنٹ اخبار آن لائن۔ بدھ 23 اگست 2017ء) بین الاقوامی اسلامی یونیورسٹی میں ایک روح پرور تقریب میں دوغیر مسلم چینی طالب علموں نے اسلام قبول کر لیاجنہیں صدر جامعہ ڈاکٹر احمد یوسف الدریویش نے کلمہ پڑھایا۔اسلام قبول کرنے والوں میں ایک طالبہ لوئشا (مسلم نام مریم ) اسلامی یونیورسٹی کے شعبہ ایجوکیشن میں ایم اے کے تیسرے سمیسٹر کی طالبہ ہیں۔

لوئشا کا تعلق چین کے صوبہ آن ہوئے سے ہے۔ لوئشیا کے خاوند عبداللہ بھی اسلامی یونیورسٹی کا سابق طالب علم تھا اور انہوں نے بھی اسلامی یونیورسٹی میں دوران تعلیم بدھ مت سے تائب ہوکر اسلام قبول کیا تھا۔ اسلام قبول کرنے والا دوسرا نوجوان جان جن ہائیو (مسلم نام محمد) عبداللہ کا قریبی عزیز ہے۔

(جاری ہے)

قبول اسلام کی اس تقریب میں یونیورسٹی کے نائب صدور ڈاکٹر محمد منیر ، ڈاکٹر بشیر خان، ڈینز ،ڈائریکٹرزاور دیگر حکام نے بھی شرکت کی۔

اس موقع پر نو مسلم طالبہ مریم نے اپنے خیالات کا اظہار کرتے ہوئے کہا کہ قبول اسلام کے بعد وہ خود کوپرسکون محسوس کر رہی ہیں۔ ان کا کہنا تھا اچھائی اور برائی کی تمیز کے ساتھ آخرت کے تصورات بھی واضح ہو چکے ہیں۔ مریم نے حاضرین سے درخواست کی کہ وہ اسلام پر ثابت قدمی کے لیے دعا کریں۔ اس موقع پر نومسلم محمد نے کہا اسلام کی تعلیمات سے متاثر ہوکر اسلام اختیار کر رہا ہوں جو کہ دین حق ہے اور اسلام میں داخل ہونے پر بہت خوش ہوں اور اسلام کا وسیع مطالعہ کرنے کا خواہشمند ہوں۔

اس موقع پر خطاب کرتے ہوئے ڈاکٹر الدریویش نے کہا اسلام کو اللہ نے آسان دین بنایا ہے اور بحیثیت مسلمان اسلام کی ترویج اور تبلیغ ہمارا اولین فریضہ ہے۔ انہو ںنے نومسلم مریم اور محمد کے قبول اسلام اور ہدایت کے تمام اسباب اور حضرات کا شکریہ ادا کیا۔ ڈاکٹر الدریویش نے دونوں نو مسلموں کے لیے امن و سلامتی اور عافیت کی دعا کی۔ صدر جامعہ نے کہا کہ دین میں کوئی سختی نہیں اور پیغمبر علیہ السلام کا فرمان ہے کہ دعوت دین احسن طریقے سے پہنچائی جائے۔ صدر جامعہ نے دونوںنو مسلم طلباء کے لیے ہدیہ بھی پیش کیا۔

Facebook Twitter Google + Share on Whatsapp

مزید متعلقہ خبریں پڑھئیے‎ :

پاکستان میں غیر معیاری ادویات کا مسئلہ

اتوار 28 اپریل 2024 - 20:40

اسلامی ترقیاتی بینک نے پاکستان میں جاری منصوبوں کو جلد مکمل کرنے کی یقین دہانی کرادی

اتوار 28 اپریل 2024 - 13:10

غیرملکی سرمایہ کاروں کے خدشات دور کرنے اور ون ونڈو آپریشنز کیلئے خصوصی سرمایہ کاری سہولت کونسل پوری طرح فعال ہے، وزیراعظم

اتوار 28 اپریل 2024 - 12:30

پاکستان کی معیشت عالمی اتار چڑھا ؤ کے باوجود بحالی کے راستے پر ہے،گورنر اسٹیٹ بینک کا آئی سی ایم اے کانووکیشن سے خطاب،

اتوار 28 اپریل 2024 - 00:30

پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن

ہفتہ 27 اپریل 2024 - 23:22

پاکستان کے تمام لوگ اور سیاسی جماعتیں فلسطین کے منصفانہ کاز کی حمایت کرتی ہیں، سینیٹر مشاہد حسین سید

ہفتہ 27 اپریل 2024 - 18:02

اسلامی یونیورسٹی میں ایک روح پرور تقریب میں دوغیر مسلم چینی طالب علموں نے اسلام قبول کر لیا

جنہیں صدر جامعہ ڈاکٹر احمد یوسف الدریویش نے کلمہ پڑھایا

مزید متعلقہ خبریں پڑھئیے‎ :

متعلقہ عنوان :

بدھ 23 اگست 2017 کی مزید خبریں