ایشیاکپ کے دفاع کی پوری صلاحیت رکھتے ہیں،تاہم اسکے لئے غیر معمولی کھیل پیش کرنا ہوگا،مصباح الحق، کوچ کی تقرری پی سی بی کا معاملہ ہے ، کوچ جو بھی مقررہو، ٹیم کو فائدہ پہنچے گا،قومی کپتان کی صحافیوں سے گفتگو
لاہور(اُردو پوائنٹ اخبار آن لائن۔3فروری۔2014ء) قومی کرکٹ ٹیم کے کپتان مصباح الحق نے کہا ہے کہ ہماری ٹیم ایشیاکپ کے دفاع کی پوری صلاحیت رکھتی ہے لیکن اس کے لئے ہمیں غیر معمولی کھیل پیش کرنا ہوگا۔لاہور میں میڈیا سے بات کرتے ہوئے مصباح الحق نے کہا کہ کسی بھی ٹیم کے لئے فتح بہت اہم ہوتی ہے، جیت کھلاڑیوں کے مورال کو بلند رکھتی ہے لیکن ہر میچ نیا میچ ہوتا ہے اور اس میں وہی کامیاب ہوتا ہے جو اچھا کھیلے، ہماری ٹیم ایشیا کپ کے دفاع کی پوری صلاحیت رکھتی ہے، گزشتہ ایونٹ کی طرح اس بار بھی ایشیا کپ بنگلہ دیش میں ہورہا ہے اور پاکستان کے علاوہ سری لنکا اور بھارت بھی وہاں کے موسمی حالات سے بہت اچھی آشنا ہے جبکہ بنگلہ دیش نے بھی گزشتہ ایونٹ میں کافی اچھی کارکردگی دکھائی تھی، اس لئے وہ سمجھتے ہیں کہ ایشیا کپ میں کوئی بھی ٹیم آسان نہیں اگر ہمیں جیتنا ہے تو ہر میچ میں اچھی کرکٹ کھیلنا ہوگی۔
(جاری ہے)
مزید متعلقہ خبریں پڑھئیے :
