وبائی امراض کے بین السرحدی پھیلاؤ کو روکنے کیلئے مربوط حکمت عملی کی تیاری کی جا رہی ہے، عامر محمود کیانی

راولپنڈی (اُردو پوائنٹ اخبارتازہ ترین - این این آئی۔ 04 اپریل2019ء) وفاقی وزیر صحت عامر محمود کیانی نے کہاہے کہ وبائی امراض کے بین السرحدی پھیلاؤ کو روکنے کیلئے مربوط حکمت عملی کی تیاری کی جا رہی ہے،متعدی امراض کی روک تھام ملک کے تمام ائیرپورٹس پر سکریننگ کے نظام کو بھی بہتر بنایا جا رہا ہے۔وفاقی وزیر صحت عامر محمود کیانی نے اسلام آباد انٹرنیشنل ایئرپورٹ کا دورہ کیا اور ائیر پورٹ پر وزارت صحت کے ادارے سینٹرل ہیلتھ اسٹیبلشمنٹ کی طرف سین دی جانے والی سہولیات کا جائزہ لیا،عامر کیانی نے حاجیوں کو دی جانے والی سہولیات اور حاجیوں کو روانگی پر امیگریشن کلیئر کرنے میں ہیلتھ ڈیپارٹمنٹ کی طرف سے کئے جانے والے انتظامات کا بھی جائزہ لیا ۔

وفاقی وزیر نے کہاکہ تمامایئرپورٹس پرانٹرنیشنل ہیلتھ ریگولیشن پر عملدرآمد کو یقینی بنا رہے ہیں۔

(جاری ہے)

عامر محمود کیانی نے کہاکہ ۔ ایئرپورٹس پر پولیو ویکسی نیشن کے نظام کو یقینی بنا یا جا رہا ہے ۔عامر کیانی نے کہاکہ وزارت ہیلتھ نے اسلام آباد، کراچی، لاہور اور پشاور ائیرپورٹس پر تھرموسکین لگا دئیے ہیں ۔عامر کیانی نے کہاکہ ان اقدامات سے ائیرپورٹس پر عوام کو متعدی امراض کے پھیلاؤ سے بچایا جا سکے گا ۔

عامر کیانی نے کہاکہ وبائی امراض کے بین السرحدی پھیلاؤ کو روکنے کے لیے مربوط حکمت عملی کی تیاری کی جا رہی ھے ۔انہوںنے کہاکہ ایئرپورٹس پر میڈیکل کی سہولیات کو اپ گریڈ کیا جا رہا ہے۔انہوںنے کہاکہ بین الاقوامی سرحدوں پر متعدی امراض کی روک تھام کے لیے حکومت پاکستان نے چین کے ساتھ ایک ایم او یو پر دستخط کئے ہیں ۔عامر کیانی نے کہاکہ اس معاہدے سین انٹرنیشنل سرحدوں پر بیماریوں کی روک تھام میں مدد ملے گی ۔

عامر کیانی نے کہاکہ خاص طور پر سست بارڈر ، کراچی، اسلام آباد اور گوادر کے انٹرنیشنل بارڈر پر متعدی امراض کی روک کے لیے موجودہ صحت کی سہولیات کو اپ گریڈ کیا جائیگا۔انہوںنے کہاکہ متعدی امراض کی روک تھام ملک کے تمام ائیرپورٹس پر سکریننگ کے نظام کو بھی بہتر بنایا جا رہا ہے۔عامر کیانی نے کہاکہ جلد ہی سنٹرل ہیلتھ اسٹیبلشمنٹ کی ویب سائٹ لانچ کر دی جائے گی جہاں پر انٹرنیشنل مسافر سفر سے متعلق معلومات لے سکیں گے ۔

انہوںنے کہاکہ ایئرپورٹ کے تمام ملازمین کو نیی یونیفارم فراہم کر دی ہیں ۔عامر کیانی نے کہاکہ وزیراعظم عمران خان کے ویڑن کے مطابق صحت کے شعبے میں انقلابی تبدیلیاں لا رہے ہیں ۔عامر کیانی نے کہاکہ حکومت صحت کے شعبے میں بہتری لانے کیلئے ہر ممکن وسائل فراہم کیے جا رہے ہیں ۔