ایکسائز، ٹیکسیشن اینڈ اینٹی نارکوٹکس افسر چاغی کی زیر صدارت اجلاس

دالبندین(اُردو پوائنٹ اخبارتازہ ترین - این این آئی۔ 26 جولائی2017ء) ایکسائز، ٹیکسیشن اینڈ اینٹی نارکوٹکس آفیسر چاغی کے زیرنگرانی اجلاس ایکسائز،کے ضلعی دفتر دالبندین میں منعقد ہوا ایکسائز اینڈ ٹیکسیشن کے اسٹاف نے شرکت کی ایکسائز، ٹیکسیشن اینڈ اینٹی نارکوٹکس چاغی کے آفیسر عبدالمالک نے اجلاس سے خطاب کرتے ہوے کہا تمام سٹاف پر فرض ہے اپنی ڈیوٹی ایمانداری کے ساتھ انجام دیں اور خاص کر منشیات کی روک تھام کے لیے دالبندین چاغی اور ضلع چاغی کے دیگر علاقوںمیں سخت نگرانی کی جائے اور منشیات فروش منشیات کے سہولت کار اور ساقی خانوں کے خلاف سخت کاروائی کریں اور ٹیکس ریکوری پر خصوصی توجہ دی جائے انہوں نے کہا ضلع چاغی کے شہروں اور مضافاتی علاقو ںمیںسخت نگرانی کی جائے تاکہ ہمارا معاشرہ منشیات کی لعنت سے بچ سکیںاور قانون کے مطابق منشیات فروشوں اور منشیات کے سہولت کاروں اور غیر قانونی ساقی خانوں کے خلاف کاروائی کریں تاکہ پورے ضلع چاغی کے عوام اس لعنت سے بچ جائیں اور انہوں نے چاغی کے عوام سے اپیل کی کہ وہ منشیات کی روک تھام کے لیے ہمارے اسٹاف اور ایکسائز، ٹیکسیشن کے اہلکاروں کے ساتھ تعاون کریں اور ٹیکس ریکوری کے لیے بھی عوام کے تعاون کی ضرورت ہوتی ہے اجلاس میں عوام سے اپیل کی ہے گاڈیوں کی ٹیسکسز کے بارے میں ہمارے دالبندین کے دفتر سے معلومات حاصل کریں تاکہ آپ لوگوں کی بہتر انداز میں رہنما ئی کی جاسکیں ۔