ہارون آباد ،پولیس کی کارروائی، چور گینگ گرفتار،قبضہ سے مال مسروقہ ٹیوب ،ویل ،پنکھے ،مالیتی 7لاکھ روپے برآمد کرلئے

بدھ 28 اپریل 2021 16:53

ہارون آباد (اُردو پوائنٹ اخبارتازہ ترین - این این آئی۔ 28 اپریل2021ء) تھانہ صدر ہارون آباد پولیس کی شاندار کاروائی، چور گینگ گرفتار،قبضہ سے مال مسروقہ ٹیوب ویل پنکھے مالیتی 7لاکھ روپے برآمد کرلئے۔

(جاری ہے)

تفصیلات کے مطا بق پولیس تھانہ صدر ہارون آباد نے جرائم پیشہ افراد کے خلاف کاروائی کرتے ہوئے نقب لگا کر چوری کرنے والے گروہ کے 2ملزمان گرفتار کر لیے ملزمان رات کے وقت نقب لگا لوگوں کے گھروں اور ڈیروں سے قیمتی سامان چوری کرتے تھے اور اس کے علاوہ غریب کاشتکاروں کی زمین سے ٹیوب ویل کے پنکھے چوری کر کے سستے داموں فروخت کرتے تھے۔

ملزمان کی شناخت محمد امجد ولد اصغر قوم آرائیں اور عمران ولد خوشی محمد قوم رحمانی سکنائے چک 156 مراد ڈاہرانوالہ کے نام سے ہوئی ہے۔ ملزمان کے قبضہ سے مال مسروقہ ٹیوب ویل پنکھے مالیتی 7 لاکھ برآمدکرلیے گئے ہیں۔ملزمان سے تفتیش جاری ہے مزیدانکشافات بھی متوقع ہیں۔ڈسٹرکٹ پولیس آفیسرمحمد ظفر بزدار نے پولیس ٹیم کی اس شاندار کاروائی پر شاباش دی۔اس موقع پر ڈی پی او بہاولنگر کا کہنا تھا کہ جرائم پیشہ افراد کے خلاف کریک ڈاؤ ن اسی طرح جاری رہے گا اور عوام کے جان ومال کے تحفظ کو یقینی بنایا جائے گا۔