عمران نے اقتدار جاتا دیکھ کر پاکستان پر حملہ کردیا، نواز شریف
مجھے جیل ڈالنے والے ججز آج مستعفی ہو کر گھر جارہے ہیں،جانتے ہیں کرتوت برے ہیں،والدہ کے جنازے کو کندھا نہیں دے سکا، اہلیہ فوت ہوئیںتو جیل میں اطلاع ملی ، والدہ کو قبر میں نہیں اتار سکا، خود پر ظلم برداشت کئے، زخم سہنے کے باوجود پاکستان پر زخم نہیں لگنے دیا،ہاورن آبادمیں جلسے سے خطاب
منگل 30 جنوری 2024 22:15
(جاری ہے)
نوازشریف نے کہاکہ مجھے نااہل کیا گیا لیکن آج سرخرو ہوکر عوام کے سامنے کھڑا ہوں،آپ کے نعرے سن کر میرا 5کلو خون بڑھ گیا،کسانوں سے پوچھو نواز شریف کے دور میں ٹریکٹر کتنے کا تھا اور آج پوچھو کتنے کا ہے،میں نے لوڈ شیڈنگ ختم کی، سستی بجلی لے کر آیا، بتا نوازشریف یاد آتا ہے کہ نہیں آتا۔
مسلم لیگ ن کے قائد نے کہاکہ تبدیلی نے پاکستان کا یہ حشر کیاکہ روٹی 25روپے کی ہوگئی، نوازشریف کے دور میں گیس اور بجلی سستی تھی،تبدیلی نے عوام کے ساتھ یہ سلوک کیا ہے،نوازشریف نے لوڈشیڈنگ ختم کی،سستی بجلی لے کر آیا، ہمارے دور میں جس کا بل ایک ہزار آتا تھا اس کا بل اب 20ہزار آتا ہے۔سابق وزیراعظم نے کہاکہ نوازشریف کے دور میں چینی 35روپے کلو تھی، آج 150روپے کلو ہے، کسان میرے عزیز بھائی ہیں،ٹریکٹر پہلے 8لاکھ کا تھا، آج 40لاکھ روپے کا ہے، نوازشریف کے دور میں یوریا 1300روپے کا تھا، آج 5ہزار روپے کا ہے۔انہوں نے کہا کہ آج 280کا ڈالر ہے، ہمارے دور میں ڈالر 140روپے کا تھا، پیٹرول ہمارے دور میں 60روپے لیٹر تھا، ہمارے دور میں ادویات مفتی ملتی تھیں، ہم نے آئی ایم ایف کو خدا حافظ کہا تھا اور ملک اپنے پائوں پر کھڑا ہوگیا تھا۔نواز شریف نے کہاکہ بانی پی ٹی آئی عمران خان پھر کشکول لے کر مانگنے نکل پڑا، عمران خان کے دور میں یہ لوگ دوسرے ممالک سے مانگتے پھرتے تھے، انہوں نے پھر ملک کو بھیک مانگنے پر لگادیا، آج بہت بڑی خبر سنی آپ نی ہم پر بڑے بڑے ظلم و جبرہوئے، جو مجھ پر مانیٹرنگ جج لگے تھے، آج استعفیٰ دے کر گھرجارہے ہیں، ہمیں تو تماشا بنادیا گیا، ایسے نقصانات ہوئے کوئی تلافی نہیں۔مسلم لیگ ن کے قائد نے کہا کہ والدہ کے جنازے کو کندھا نہیں دے سکا، اہلیہ فوت ہوتی ہیں تو جیل میں اطلاع ملتی ہے، والدہ کو قبر میں نہیں اتار سکا، میں نے خود پر ظلم برداشت کیے، زخم سہنے کے باوجود پاکستان پر زخم نہیں لگنے دیا،قومی راز فاش نہیں کیے لیکن عمران خان نے اقتدار جاتا دیکھ کر پاکستان پر حملہ کر دیا، آج نتیجہ دیکھ لیا، اس کا کردار بہت افسوس ناک تھا، اس نے گھنائونی سازش کرکے قومی سلامتی کو دا پر لگا دیا۔سابق وزیراعظم نے کہاکہ نوازشریف نے قومی سلامتی کو کبھی دائو پر نہیں لگایا، ثاقب نثار نے بانی پی ٹی آئی کو صادق و امین قرار دیا تھا،ہم تو ملک میں موٹرویز بنارہے تھے،سی پیک آرہا تھا،ہمارے دور میں کرپشن کم ہوئی تھی، ان کے دور میں پاکستان کرپشن انڈیکس میں پھر اوپر چلا گیا تھا۔نواز شریف نے کہاکہ ہم ایٹمی دھماکے کرتے اور یہ شہدا کے مجسمے جلاتے اور ان کی بے حرمتی کرتے ہیں، مجھے جیل میں کیوں ڈالا، جن ججز نے مجھے جیل ڈالا اور آج وہ مستعفی ہوکر گھر جارہے ہیں، انہیں پتہ ہے ان کے کرتوت برے ہیں، چور کی داڑھی میں تنکا ہے۔بعد ازاں جلسے سے خطاب کرتے ہوئے مریم نواز نے کہا کہ ہارون آباد کا جذبہ ٹھنڈ میں بھی ماند نہیں پڑا، جب بے روزگار کے پاس نوکری نہیں ہوتی تو اس کو نواز شریف یاد آتا ہے۔انہوںنے کہاکہ جب روٹی مہنگی ہوتی ہے، بجلی کا بل آتا ہے، آٹا، چینی مہنگی ہوتی ہے تو لوگوں کو نواز شریف یاد آتا ہے، نواز شریف وزیراعظم بنے تو کرپشن عروج پر تھی مگرنواز شریف نے وزیراعظم بن کر کرپشن کو ختم کیا، نواز شریف نے مرغیاں،کٹے دینے کے بجائے ملک کو بڑے منصوبے دئیے۔مریم نواز نے کہاکہ یہ سوچ رے تھے کہ ظلم کریں گے تو نواز شریف گھبرا جائیگا، یہ کہتے تھے نواز شریف کی سیاست ختم کردیں گے لیکن آج وہی نواز شریف ہیں اور وہی عوام کا سمندر ہے۔مسلم لیگ (ن)کی چیف آرگنائزر نے بتایا کہ جب نواز شریف کو سزا ہوئی تو عمران خان لوگوں کو مٹھائی کھلا رہا تھا، نواز شریف کو سزا بیٹے سے تنخواہ نا لینے پر سزا ہوئی، مگر آج ہم میں سے کسی نے خوشیاں منائی، عمران خان نے سنگین جرم کیا تھا،جب اس نے دیکھا کہ اقتدار جارہا تھا تو سائفر لہرا دیا، جھوٹ بولا۔رہنما مسلم لیگ (ن)نے کہا کہ وزیراعظم کے سینے میں سینکڑوں قومی راز دفن ہوتے ہیں، نواز شریف نے قومی سلامتی سے نہیں کھیلا تھا، وزارت عظمیٰ سے ہٹانے کے باوجود ملکی سلامتی پر آنچ نہیں آنے دی، یہ فرق ہے نوازشریف اور ان کے مخالفین میں۔انہوں نے دریافت کیا کہ کیا سیاسی جماعتیں اپنے ملک پر حملہ کرتی ہیں کیا سیاسی جماعتیں شہدا کی یادگاروں کو آگ لگاتی ہیں انہوں نے کہا کہ وعدہ کریں 8فروری کو گھر میں نہیں بیٹھیں گے، ووٹ کی پرچی آپ کی تقدیر بدل دے گی، جتنے ووٹ شیر کو ملیں گے اتنی تیزی سے ملک ترقی کرے گا۔متعلقہ عنوان :
ہارون آباد میں شائع ہونے والی مزید خبریں
عمران نے اقتدار جاتا دیکھ کر پاکستان پر حملہ کردیا، نواز شریف
ملکی سالمیت کو خطرے میں ڈالنے والوںکو دس سال سزا ہوگئی ،مریم نواز
عمران خان کو 10 سال سزا ہونے پر ہم میں کسی نے مٹھائی نہیں بانٹی
عمران خان نے گھنائونی سازش کرکے قومی سلامتی کو داوٴ پر لگا یا،نواز شریف
اب ہماری سیاسی جماعتیں کا کوئی منشور نہیں عوام مسائل کی دلدل میں پھنس کر رہ گئے ، اعجازالحق
آج ریاست کو بچانے والے تباہ شدہ سیاست کو جگانے جا رہے ہیں،اعجاز الحق
شوارما کھانے سے خواتین سمیت درجنوں بچوں کی حالت غیر ہو گئی
تھانہ سٹی پولیس نے دوران گشت شراب فروش کو تیس لیٹر سے زائد شراب سمیت ملزم کو پکڑ لیا، مقدمہ درج
ہارون آباد‘ نہروں کی طویل بندش کے خلاف کاشتکار سراپا احتجاج بن گئے
ہارون آباد شہر میں آگ بجھانے والے آلات نہ رکھنے پر پانچ سے زائددوکانداروں کے چالان
نقشہ جات کو جدت بخشنا میرا شوق ہے معروف ماہرتعمیرات عدنان سکھیرا
ْحکومت عام آ دمی تک سہولیات کی فراہمی کے عمل کو یقینی بنانے لئے کوشاں ہے شوکت محمودبسرا
ہارون آباد سے متعلقہ
پاکستان کی تازہ ترین خبریں
-
ملک میں گندم کی درآمد سے متعلق اہم انکشافات سامنے آگئے
-
پی ٹی آئی کا ریلیز عمران خان ٹرین مارچ کراچی سے سکھر روانہ
-
اسٹیبلیشمنٹ کے جھوٹ، فریب، بلیک میلنگ اور تشدد کی لمبی داستانیں ہیں، حماد اظہر
-
اسلام آباد ہائیکورٹ کی جسٹس بابر ستار کی امریکی شہریت کی خبروں کی تردید
-
ْکراچی: لیاری سے بی ایل اے کاانتہائی مطلوب دہشتگرد گرفتار، دوران تفتیش سنسنی خیز انکشافات
-
حکومت کا چینی برآمد کرنے کی اجازت نہ دینے کا فیصلہ
-
چیئرمین پی سی بی کا پاکستان کرکٹ ٹیم کے نئے کوچز کے ناموں کا اعلان
-
پنجاب حکومت کی صحافیوں کیلئے نئی رہائشی سکیم کی خوشخبری‘ وزیراعلیٰ اعلان کریں گی
-
غیرملکی سرمایہ کاروں کے خدشات دور کرنے اور ون ونڈو آپریشنز کیلئے خصوصی سرمایہ کاری سہولت کونسل پوری طرح فعال ہے، وزیراعظم
-
موبائل فونز کی درآمدات میں 180 فیصد اضافہ
-
وزیرداخلہ کانادرا سنٹر شملہ پہاڑی کا دورہ ،شہریوں نے شکایات کے انبار لگا دئیے
-
حکومت عوام کے مسائل کے حل کیلئے کوشاں ہے، جلد اچھے دن آئیں گے، چوہدری شافع حسین