پی ٹی آئی کا حقیقی آزادی لانگ مارچ کیلئے نمائش چورنگی پر احتجاج کا فیصلہ

مارچ کو روکنے کی کوشش جمہوریت کا قتل عام کرنے کے مترادف ہوگا، بلال غفار

منگل 24 مئی 2022 00:02

کراچی (اُردو پوائنٹ اخبارتازہ ترین - این این آئی۔ 23 مئی2022ء) پاکستان تحریک انصاف کا کراچی میں حقیقی آزادی لانگ مارچ کیلئے نمائش چورنگی پر احتجاج کرنے کا فیصلہ،عوامی اجتماع میں اسلام آباد لانگ مارچ کی سرگرمیاں براہ راست اسکرین پر دکھائی جائیں گی پی ٹی آئی کراچی کے صدر بلال غفار کراچی میں لانگ مارچ کے اجتماع کی قیادت کریں گے بلال غفار نے اپنے جاری کردہ بیان میں کہا کہ عمران خان کے دور حکومت میں اسلام آباد میں پانچ لانگ مارچ آئے جنہیں نہیں روکا گیا25 مئی کو عمران خان کا لانگ مارچ جمہوری اور جائز ہے پاکستان کے عوام رجیم چینج آپریشن کو کسی قیمت پر قبول نہیں کررہے احتجاج پبلک کا آئینی حق ہے لانگ مارچ کیلئے کراچی میں بھی عوامی احتجاج کیا جائیگا کراچی کے شہری اس انقلاب کا حصہ بننے جوق در جوق شریک ہوں مارچ کو روکنے کی کوشش جمہوریت کا قتل عام کرنے کے مترادف ہوگا۔