کشمور پولیس نے تین افراد کو اغوا ہونے سے بچالیا

بدھ 15 جنوری 2020 20:30

سکھر(اُردو پوائنٹ اخبارتازہ ترین - این این آئی۔ 15 جنوری2020ء) کشمور پولیس نے تین افراد کو اغوا ہونے سے بچالیا، ہنی ٹریپ کے ذریعے خواتین کی آواز میں مغویان کو علاقے میں بلایا گیا تھا، اے آئی جی ڈاکٹر جمیل احمدتفصیلات کے مطابق کشمور پولیس نے جیکب آباد کے علاقے سے تعلق رکھنے والے تین افراد جاوید، محمد علی اور نیاز کٹوہر کو اس وقت اغوا ہونے سے بچالیا جب انہیں خواتین کی آواز میں جھانسہ دے کر بلایا گیا تھا اور پولیس نے کال ٹریپ کرکے انہیں علاقے میں داخل ہونے سے پہلے روک لیا اس سلسلے میں رابطہ پر اے آئی جی ڈاکٹر جمیل احمد نے بتایا کہ مغویان کو پولیس نے اغوا ہونے سے بچالیا ہے انہوں نے بتایا کہ اندرون سندھ بدنام زمانہ ڈاکو خادم بھیو ہنی ٹریپ کارروائیوں کا ماسٹر مائنڈ ہے جس کی سربراہی میں اس کا گروہ خواتین کی آواز میں لوگوں کو بلاکر اغوا کرنے کی وارداتیں کررہا ہے اس گروہ کی گرفتاری اور اس طرح کی وارداتوں پر قابو پانے کے لیے اقدامات کیے جارہے ہیں۔