ضلع خوشاب میں لوکل ٹرانسمشن کا پہلا کورنا کیس سامنے آگیا، انتظامیہ حرکت میں آگئی

اتوار 3 مئی 2020 15:50

خوشاب(اُردو پوائنٹ اخبارتازہ ترین - این این آئی۔ 03 مئی2020ء) ضلع خوشاب میں لوکل ٹرانسمشن کا پہلا کورنا کیس سامنے آگیا۔ اتوار کو محلہ نمد گراں خوشاب کے تاجر و سابق کونسلر حاجی اسماعیل کا ٹیسٹ پازیٹو آیا،کیس ہسٹری کے سوال کے جواب پر بیٹے ڈاکٹر عقیل کے مطابق بزرگ کا شاپ پر آنا جانا ہوتا تھا،شاید وہاں سے ہی وائرس میں مبتلا ہوئے ہوںتاہم صحت کے حوالہ سے ان کا کہنا ہے کہ ان کو لاہور آئی سی یو وارڈ میں داخل کروا دیا گیا ہے اور اہل محلہ خوشاب ودیگر کو گھر میں آنے سے بھی روک دیا گیادوسری جانب محلہ نمدگراں خوشاب میں کورونا کا لوکل کیس سامنے آنے پر انتظامیہ حرکت میں آگئی،ڈی سی صاحبہ کو لاک ڈائون کی سفارش کردی گئی ہے۔

(جاری ہے)

سی او ہیلتھ خوشاب ڈاکٹر واجد علی شاہ نے این این آئی سے بات چیت کرتے ہوئے بتایاکہ متاثرہ مریض کی گلی کو قرنطینہ سنٹر میں تبدیل کر کے مریض سے ملنے والوں کے سیمپل لینے کا فیصلہ کیا گیا ۔