ڈیم بناؤ اسکیم کے نام پر لوگوں کو لوٹنے والے فراڈیے گرفتار

ملزمان واپڈا اہلکار بن کر فی گھر 500 وصول کر رہے تھے، میڈیا رپورٹس

Muqadas Farooq Awan مقدس فاروق اعوان اتوار 15 جولائی 2018 16:41

ڈیم بناؤ اسکیم کے نام پر لوگوں کو لوٹنے والے فراڈیے گرفتار
لاہور (اردو پوائنٹ تازہ ترین اخبار۔15جولائی 2018ء) ڈیم بناؤ اسکیم کےنام پر لوگوں کو لوٹنے والے فراڈیے گرفتار کر لیے گئے ہیں۔میڈیا رپورٹس کے مطابق لاہور کے علاقے گلشن راوی میں جعلی واپڈا کے اہلکار بن کر لوگوں سے ڈیموں کی تعمیر کے لیے پیشہ اکھٹا کرنے والے ملزمان کو گرفتار کر لیا گیا ہے۔ملزمان واپڈا اہلکار بن کر فی گھر 500 وصول کر رہے تھے۔ملزمان میں ابو بکر،محمد منشاء،شہان علی اور مافیا شوکت شامل ہیں۔

چاروں ملزمان کو رنگے ہاتھوں گرفتار کر لیا گیا ہے۔ابھی اس متعلق نہیں بتایا گیا کہ ملزمان اب تک لوگوں سے کتنے پیسے اکھٹے کر چکے ہیں۔میڈیا رپورٹس کے مطابق چاروں ملزمان گلشن راوی سے کئی گھروں سے پیسے اکھٹے کر چکے تھے تاہم محلے میں ایک شخص کو شک ہوا تو اس نے 15 پر اطلاع دی جس کے بعد پولیس نے ملزمان کو رنگے ہاتھوں پکڑ لیا۔

(جاری ہے)

یاد رہے سپریم کورٹ کی جانب سے دیامربھاشا اور مہمند ڈیم کی تعمیر کی فنڈنگ کے لیے پاکستانیوں سے اپیل کی گئی تھی۔

ہ ملک بھر میں پانی کی قلت پر قابو پانے کے لیے چیف جسٹس آف پاکستان جسٹس ثاقب نثار نے ڈیمز کی تعمیر کا حکم دیا اور ڈیمز کی تعمیر کے لیے اپنی جیب سے 10 لاکھ روپے بھی عطیہ کیے۔ چیف جسٹس کی جانب سے عطیہ دئے جانے کے بعد ڈیمز کی تعمیر کے لیے پیسے عطیہ کرنے کا ٹرینڈ بن گیا۔پاکفوج نے ڈیموں کی تعمیر کے لیے کارخیرمیں بڑھ چڑھ کرحصہ لینے کا اعلان کیا اورپاک فوج کے شعبہ تعلقات عامہ کے مطابق ترجمان پاک فوج میجر جنرل آصف غفور نے کہا کہ پاک فوج بھی ڈیموں کی تعمیر کے لیے کارخیرمیں بڑھ چڑھ کرحصہ ڈالے گی۔

پاک فوج دیا میربھاشا ڈیم اور مہمند ڈیم کے فنڈزمیں حصہ قومی فریضہ کے تحت ڈالیں گے۔ ترجمان پاک فوج میجر جنرل آصف غفور نے کہا کہ تینوں مسلح افواج جن میں بری فوج ، پاک فضائیہ اور پاک نیوی کے سربراہان اور افسران 2 دن کی تنخواہیں فنڈ میں جمع کروائیں گے۔ تینوں مسلح افواج کے جوان ایک دن کی تنخواہ کارخیرمیں جمع کروائیں گے۔اس کے بعد چئیرمین سینیٹ صادق سنجرانی نے ڈیموں کی تعمیر کے لیے 15 لاکھ روپے دینے کا اعلان کیا۔

نگران وزیر اعلیٰ پنجاب حسن عسکری نے بھی ڈیمز کی تعمیر کے لیے پانچ لاکھ روپے عطیہ کیے۔ اس کے علاوہ خیبرپختونخواہ کے سرکاری افسران اور فیسکو افسران نے بھی اپنی 3 اور ملازمین نے اپنی ایک ایک دن کی تنخواہ دیامر بھاشا اور مہمند ڈیم فنڈ میں دینے کا اعلان کیا تھا۔ یہی نہیں پاکستانی عوام میں موجود محب وطن پاکستانیوں نے بھی پانی کی قلت سے چھُٹکارا پانے اور ڈیمز کی تعمیر کے لیے اپنی اپنی استطاعت کے مطابق فنڈ جمع کروانا شروع کر دئے ہیں۔

واضح رہے کہ دیامر بھاشا ڈیم اور مہمند ڈیم کی تعمیر کے لیے بنک اکاؤنٹس مخصوص کیے گئے ہیں جس میں عطیے کی رقم جمع کروائی جا سکتی ہے۔اس بنکاکاؤنٹ کا ٹائٹل دیامر بھاشا اور مہمند ڈیم فنڈ2018ء (“DIAMER-BHASHA AND MOHMAND DAM FUND –2018”)رکھا گیا ہے اور اکاؤنٹ نمبر 4-001-299999-593-03 ہے جبکہ آئی بی این نمبر PK06SBPP0035932999990014 ہے۔

لاہور میں شائع ہونے والی مزید خبریں