نگران وزیراعلیٰ پنجاب سے نائیجیریا کے 7 رکنی وفدکی ملاقات
نائیجیرین وفد کا دورہ باہمی تعلقات کے نئے دور کا نقطہ آغاز ثابت ہوگا، ڈاکٹر حسن عسکری پاکستان بہت شاندار ملک ہے، یہاں کے لوگ محبت کرنے والے ہیں،جوناتھن میلا جوما
منگل 17 جولائی 2018 23:58
(جاری ہے)
دونوں ممالک کے درمیان تجارتی تعاون کے مواقع بڑھانے کے بے پناہ امکانات موجود ہیں اور اس ضمن میں چیمبر آف کامرس اینڈ انڈسٹری کی سطح پر باہمی رابطوں کو مزید مضبوط بنایا جانا چاہیے اور تجارتی وفود کے تبادلوں سے معاشی و تجارتی تعلقات میں اضافہ کیا جاسکتا ہے جبکہ پاکستان اور نائیجیریا کے مابین طلبہ، اساتذہ، ڈاکٹرز، سول سرونٹس اور میڈیا کے وفود کے تبادلے بھی ہونے چاہئیں اور باہمی تعلقات میں اضافے کیلئے میڈیا کا کردار انتہائی اہمیت کا حامل ہے۔
باہمی رابطوں میں اضافے سے دونوں ملکوں کے تعلقات میں بہتری آئے گی اور ایک دوسرے کو سمجھنے میں مدد ملے گی۔ انہوں نے کہا کہ پنجاب ایک زرعی صوبہ ہے اور صوبہ پنجاب کی معیشت زراعت پر مشتمل ہے۔ اس شعبے میں بھی پاکستان اور نائیجیریا باہمی تعاون کے مواقع کا جائزہ لے کر آگے بڑھ سکتے ہیں۔ دہشت گردی اور انتہاپسندی کا ذکر کرتے ہوئے نگران وزیراعلیٰ پنجاب نے کہا کہ دہشت گردی پاکستان سمیت عالمی برادری کیلئے سنجیدہ چیلنج ہے۔ پاکستان نے دہشت گردی کے ناسور کا بہادری سے سامنا کیا ہے اور پاکستان کی بہادر مسلح افواج، قانون نافذ کرنے والے اداروں اور پولیس نے اس جنگ میں اپنی قیمتی جانوں کا نذرانہ دے کر ایک تاریخ رقم کی ہے۔ نائیجیریا کو بھی انتہاپسندی کے عفریت کا سامنا ہے اور میں سمجھتا ہوں کہ پاکستان اور نائیجیریا کو دہشت گردی و انتہاپسندی کے خاتمے کیلئے مائنڈ سیٹ کی تبدیلی کا چیلنج درپیش ہے اور دونوں ممالک دہشت گردی و انتہاپسندی کے خاتمے کیلئے ایک دوسرے کے تجربات سے فائدہ اٹھا سکتے ہیں۔ انہوں نے کہا کہ عوام کے سماجی و معاشی مسائل حل کرنے سے دہشت گردی و انتہاپسندی کو ختم کیا جاسکے گا اور اس کیلئے نوجوانوں کیلئے روزگار کے نئے مواقع پیدا کرنے پر توجہ کی ضرورت ہے۔ انہوں نے کہا کہ پاکستان کی بڑی آبادی نوجوانوں پر مشتمل ہے اور انہیں روزگار کے بہتر مواقع مہیا کرنا ایک قومی ذمہ داری ہے۔ میں سمجھتا ہوں کہ پاکستان کے نوجوان انتہائی ذہین اور باصلاحیت ہیں اور انہوں نے ہر موقع پر اپنی صلاحیتوں کا لوہا منوایا ہے۔ نوجوانوں کو ہنرمند بنا کر مارکیٹ فورس بنانے کیلئے ٹھوس اقدامات کرنے کی ضرورت ہے۔ سی پیک کا ذکر کرتے ہوئے ڈاکٹر حسن عسکری نے کہا کہ پاکستان سی پیک روٹ کے ذریعے چین سے گوادر تک بہترین مواصلاتی رابطہ فراہم کر رہا ہے اور سی پیک کے تحت پاکستان میں اکنامک، انڈسٹریل زونز، پاور جنریشن یونٹس اور مواصلاتی پراجیکٹس پر کام جاری ہے اوراس سے دیگر ممالک بھی استفادہ کرسکتے ہیں ۔انہوں نے کہا کہ چین نے افریقہ کیلئے بھی سرمایہ کاری کا شاندار پیکیج دیا ہے اور افریقی ممالک کیلئے چین کی سرمایہ کاری روشن مستقبل کی نوید ہے۔ نگران وزیراعلیٰ نے صوبے میں شفاف اور منصفانہ انتخابات کی تیاریوں اور انتظامات سے وفد کو آگاہ کرتے ہوئے کہا کہ 25 جولائی کو منصفانہ اور شفاف الیکشن کرانے کیلئے تمام ضروری اقدامات اٹھائے جا رہے ہیں۔ پولنگ ڈے پر ووٹر کو پرامن ماحول فراہم کیا جائے گا تاکہ وہ آزادانہ طور پر اپنا حق رائے دہی استعمال کرسکے اور قومی ذمہ داری ادا کرسکے۔ انہوں نے کہا کہ انتخابات میں تمام جماعتوں کو یکساں مواقع مہیا کئے جا رہے ہیں اور نگران حکومت شفاف اور غیر جانبدارانہ انتخابات کے انعقاد کیلئے تمام ضروری اقدامات کر رہی ہے۔ 25 جولائی کو عام انتخابات کا پرامن انعقاد ہماری ذمہ داری ہے جسے بطریق احسن نبھائیں گے۔ نائیجیرین وفد کے سربراہ جوناتھن میلا جوما نے اس موقع پر بات چیت کرتے ہوئے کہا کہ پاکستان بہت شاندار ملک ہے اور یہاں کے لوگ محبت کرنے والے ہیں۔ لاہور کا دورہ خوشگوار اور ناقابل فراموش تجربہ ہے۔انہوں نے کہا کہ دہشت گردی کے خاتمے سمیت دیگر امور میں پاکستان کے تجربات سے سیکھنا چاہتے ہیں۔ انہوں نے کہا کہ ہم پاک نائیجیرین تعلقات میں مزید گرمجوشی چاہتے ہیں اور ٹیکسٹائل سیکٹر سمیت دیگر امور میں کاروباری تعاون کے مواقع کا جائزہ لیں گے۔متعلقہ عنوان :
لاہور میں شائع ہونے والی مزید خبریں
ڈی آئی جی آپریشنز کا شہر کے مختلف علاقوں کا دورہ ،سکیورٹی انتظامات کا جائزہ لیا
محکمہ وائلڈ لائف کی کارروائی، سمگل شدہ جنگلی پرندوں کی بڑی کھیپ برآمد
شہریوں کی جان و مال کا تحفظ ہماری اولین ذمہ داری ہے، ڈی آ ئی جی آ پریشنز
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
وزیراعلیٰ مریم نواز پنجاب میں خدمت کے نئے ریکارڈ قائم کریں گی، نسرین اختر ملک
وزیراعلیٰ پنجاب کی ہدایت پر سرکاری نرخ پر روٹی پر فروخت نہ کرنے والوں کیخلاف کریک ڈاون جاری
وزیر اعلی ٰمریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد ..
وزیراعلیٰ پنجاب مریم نواز سے اے ڈی ایم ہولڈنگ لمیٹڈ کے وفد کی ملاقات
پنجاب بھرمیں1236ٹریفک حادثات میں11افراد جاں بحق1295زخمی ہوئے
وزیراعلیٰ پنجاب پنک گیمز کے کامیاب انعقاد کیلئی9 انتظامی کمیٹیاں تشکیل
ڈی جی سپورٹس پرویز اقبال کی زیر صدارت پہلی وزیراعلیٰ پنجاب پنک گیمز 2024کے حوالے سے اہم اجلاس
مسلم لیگ (ن) کی مرکزی جنرل کونسل کا اجلاس 11مئی کو طلب
لاہور سے متعلقہ
پاکستان کی تازہ ترین خبریں
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
سونے کی قیمتوں میں اضافے کا رجحان برقرار
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
محمود خان اچکزئی کے وارنٹ گرفتاری جاری
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار