ہوٹل آئی سوفٹ ویئر/ جرائم پیشہ افراد کی گرفتاریاں

عوام کی جان و مال کے تحفظ اور اشتہاریوں کی گرفتاری کیلئے جدید ٹیکنالوجی سے استفادہ کیا جا رہا ہی:سید علی ناصررضوی

منگل 16 اپریل 2024 23:10

لاہور (اُردو پوائنٹ اخبارتازہ ترین - آن لائن۔ 16 اپریل2024ء) ڈی آئی جی آپریشنز سید علی ناصر رضوی نے کہا ہے کہ عوام کی جان و مال کے تحفظ اور اشتہاریوں کی گرفتاری کیلئے جدید ٹیکنالوجی سے استفادہ کیا جا رہا ہے۔ لاہور پولیس ٹیکنالوجی کے استعمال سے اشتہاری اور خطرناک ملزمان کی نقل و حمل پر نظر رکھ کر ان کو گرفتار کر رہی ہے ۔ڈی آئی جی آپریشنز نے بتایا کہ رواں سال ابتک ہوٹل آئی سوفٹ وئیر کے ذریعے 27لاکھ 49ہزار500 افراد کا ریکارڈ چیک کیا گیا۔

سافٹ ویئر پر 870اشتہاری ملزمان کی موجودگی کے نوٹیفکیشن موصول ہوئے ۔

(جاری ہے)

پولیس کارروائی کے دوران 437اشتہاری ملزمان گرفتار جبکہ433افراد بعد از تصدیق چھوڑ دیا گیا ۔اقبال ٹائون ڈویژن پولیس نے 244،سٹی65،سول لائنز48 ، ماڈل ٹائون 40،کینٹ 7 جبکہ صدرڈویژن پولیس نی33اشتہاری گرفتار کئے۔ڈی آئی جی آپریشنز نے ایس ایچ اوز کو ہدایت کی کہ وہ ہوٹل اور قیام گاہوں مالکان کومسافروں کا ڈیٹا ’’ہوٹل آئی ایپ‘‘ میں درج کرنے کا پابند کریں۔ہوٹل آئی سافٹ ویئر میں ڈیٹا درج نہ کرنے والوں کے خلاف بالا امتیاز قانونی کاروائی کی جائے ۔انہوں نے سپروائزری افسران کو بھی خود فیلڈ میں نکل کر ہوٹلز، سرائے اور قیام گاہوں کی انسپیکشن کرنے کی ہدایت کی۔