وزیرصحت سے سی ای او اسٹیٹ لائف انشورنس کمپنی کی ملاقات،ہیلتھ انشورنس پروگرام میں بہتری کیلئے تجاویز پر تبادلہ خیال

لاہور (اُردو پوائنٹ اخبارتازہ ترین - اے پی پی۔ 17 اپریل2024ء) صوبائی وزیر صحت خواجہ سلمان رفیق سے محکمہ سپیشلائزڈ ہیلتھ کیئر اینڈ میڈیکل ایجوکیشن میں سی ای او اسٹیٹ لائف انشورنس کمپنی شعیب جاوید حسین نے ملاقات کی۔اس موقع پر سیکرٹری صحت پنجاب علی جان خان، سی ای او پنجاب ہیلتھ انشی ایٹو مینجمنٹ کمپنی ڈاکٹر علی رزاق، سی او او شمشاد علی خان، سی ایف او بلال بٹ، ڈائریکٹر پروکیورمنٹ محمد منیب اور ڈویژنل ہیڈ سلک اشعر اور ڈاکٹر نور موجود تھے۔

ترجمان کے مطابق صوبائی وزیر صحت خواجہ سلمان رفیق اور سی او اسٹیٹ لائف انشورنس کمپنی شعیب جاوید حسین کے درمیان ہیلتھ انشورنس پروگرام میں مزید بہتری لانے کیلئے مختلف تجاویز پر تبادلہ خیال ہوا۔صوبائی وزیر صحت خواجہ سلمان رفیق نے کہاکہ ہیلتھ انشورنس پروگرام میں مزید بہتری لا رہے ہیں،صحت کارڈ کے منصوبے کو شروع کرنے کا کریڈٹ محمد نواز شریف کو جاتا ہے،وزیر اعلی پنجاب مریم نواز شریف ہیلتھ انشورنس پروگرام کے حقیقی ثمرات عام عوام تک پہنچانا چاہتی ہیں۔

(جاری ہے)

خواجہ سلمان رفیق نے کہاکہ موجودہ ہیلتھ انشورنس پروگرام میں نقائص کو دور کرنے کی کوشش کر رہے ہیں، ہیلتھ انشورنس پروگرام کو انشا اللہ عام عوام کیلئے سود مند بنائیں گے۔ انہوں نے کہاکہ اصلاحات کے بعد بزنس نجی سے سرکاری شعبہ میں آنا شروع ہو گیا ہے۔ سی ای او اسٹیٹ لائف انشورنس کمپنی شعیب جاوید حسین نے کہاکہ ہیلتھ انشورنس پروگرام کے حوالے سے حکومت پنجاب کے ساتھ مکمل تعاون کریں گے۔