ٹانک ،عید کے موقع پر بچوں کے درمیان پٹاخوں کے مذاق نے ایک بچے کی جان لے لی

جمعہ 12 اپریل 2024 14:55

ٹانک (اُردو پوائنٹ اخبارتازہ ترین - این این آئی۔ 12 اپریل2024ء) ضلع ٹانک میں عید کے موقع پر بچوں کے درمیان پٹاخوں کے مذاق نے ایک بچے کی جان لے لی۔ڈی ایس پی ٹانک شریف اللّٰہ خان کے مطابق ایک بچے کی دوسرے بچے پر چائنا پٹاخہ پھنکنے سے بچے کے کپڑوں میں آگ لگ گئی۔

(جاری ہے)

شریف اللّٰہ خان نے بتایا کہ نواحی علاقے رنوان میں 1 بچے نے دوسرے بچے پر چائنا پٹاخہ پھینک دیا جو بچے کے کندھے پر دھماکے سے پھٹ گیا جس کے بعد بچے کے کپڑوں کو آگ لگ گئی اور بچہ شدید زخمی ہو گیا۔

ریسکیو کی ٹیم نے موقع پر پہنچ کر بچے کو ابتدائی طبی امداد دیتے ہوئے ڈسٹرکٹ ہیڈکوارٹر اسپتال ٹانک پہنچا دیا جہاں سے بچے کی حالت خطرناک دکھائی دینے پر اسے برن اسپتال اسلام آباد ریفر کیا گیا مگر بچہ زخموں کی تاب نہ لاتے ہوئے اسلام آباد پہنچنے سے قبل ہی جاں بحق ہو گیا۔ڈی ایس پی ٹانک شریف اللّٰہ خان نے بتایا کہ پولیس نے تمام دکانداروں کو پہلے ہی متنبہ کیا تھا کہ وہ چائنا پٹاخوں کے کاروبار سے اجتناب کریں۔