کرکٹ لیجنڈز ویون رچرڈز اور آ ئن چیپل نے پاکستان کو کھیلوں کیلئے محفوظ ملک قراردیدیا

اسلام آباد(اُردو پوائنٹ اخبارتازہ ترین - آئی این پی۔ 10 جون2017ء) کرکٹ لیجنڈز ویون رچرڈز اور آ ئن چیپل نے پاکستان کو کھیلوں کیلئے محفوظ ملک قرار دیتے ہوئے کہا ہے کہ ہم اسلام آباد میں خود کو زیادہ محفوظ محسوس کر رہے ہیں ۔ ہفتہ کو یہ بات انہوں نے سابق کرکٹ کپتان عمران خان سے ملاقات میں کہی ۔ ملاقات میں پاکستان انٹرنیشنل کرکٹ کی بحالی پر تفصیلی گفتگو ہوئی ۔

(جاری ہے)

اس دوران گفتگو کرتے ہوئے آئن چیپل نے کہا کہ پاکستان کھیلوں کیلئے محفوظ ملک ہے ، ہم اسلام آباد میں خود کو زیادہ محفوظ محسوس کر رہے ہیں ۔سر ویون رچرڈز نے اس موقع پر کہا کہ غیر ملکی کھلاڑیوں کو بلاخوف پاکستان آنا چاہیے ۔ عمران خان نے کہا کہ پاکستانی پر امن اور کرکٹ سے پیار کرنے والے لوگ ہیں ، پاکستان میں کرکٹ کی بحالی کے لئے سابق انٹرنیشنل کھلاڑی اپنا کردارادا کریں ۔