پہلا ٹی ٹونٹی ،شاداب خان کی جادوگری کے سامنے سکاٹش بچوں کی ایک نہ چلی

گرین شرٹس نے عالمی رینکنگ میں نمبر ایک پوزیشن محفوظ کرلی

محمد علی منگل 12 جون 2018 23:02

پہلا ٹی ٹونٹی ،شاداب خان کی جادوگری کے سامنے سکاٹش بچوں کی ایک نہ چلی

ایڈنبرگ(اردو پوائنٹ تازہ ترین اخبار۔ 12 جون2018ء) 2 ٹی ٹونٹی میچز کی سیریز کے پہلے میچ میں سابق ورلڈ ٹی ٹونٹی چیمپئن پاکستان نے میزبان سکاٹ لینڈ کو 48رنز سے شکست دے کر سیریز میں1-0کی برتری حاصل کرلی ہے۔205 رنز کے ہدف کے تعاقب میں سکاٹش اوپنرز کائل کوئٹزر اور مینسی نے ٹیم کو 53رنز کا آغاز فراہم کیا جس کے بعد حسن علی نے مینسی کو پوویلین چلتا کیا، شاداب خان نے اپنے سپیل کی پہلی ہی بال پر بیرنگٹن کی وکٹ حاصل کی جب کہ کپتان کائل کوئٹزر 31رنز سکور کرنے کے بعد محمدنواز کی گیند پر آصف علی کے ہاتھوں کیچ آﺅٹ ہوئے ،شاداب نے میکلوڈ کو ایل بی ڈبلیو کرکے اپنی دوسری وکٹ حاصل کی ،اپنا پہلا میچ کھیلنے والے ڈیلان بج 24رنز سکور کرکے محمد عامر کا پہلا شکا ر بن گئے ، میتھیو کراس 13رنز سکور کرنے کے بعد حسن علی کی گیند پر شعیب ملک کے ہاتھوں کیچ آﺅٹ ہوئے ،سکاٹ لینڈ کی ٹیم مقررہ بیس اوور ز میں156رنز ہی بنا سکی ، پاکستان کے لیے حسن علی اور شاداب خان نے دو ، دو جبکہ محمد عامر اور نواز نے ایک ، ایک وکٹ لی ۔

(جاری ہے)

اس سے قبل پاکستان نے ٹاس جیت کر پہلے بیٹنگ کا فیصلہ کیا اور فخر زمان اور احمد شہزاد نے پاکستان کی جانب سے اننگز کا آغاز کیا۔پاکستان کی پہلی وکٹ 33رنز پر گری جب احمد شہزاد 14 رنز بناکر آﺅٹ ہوگئے، پاکستان کو دوسرا نقصان 46 کے مجموعی سکور پر ہوا جب فخر زمان بھی 21 رنز بناکر پویلین لوٹ گئے۔کپتان سرفراز احمد نے حسین طلعت کے ساتھ ملکر تیسری وکٹ کے لیے 41رنز کا اضافہ کیا جس کے بعد آل راﺅنڈر 18رنز بنا بیرنگٹن کی گیند پر آﺅٹ ہوئے ،قومی ٹیم کے سینئر ترین بلے باز شعیب ملک نے کپتان سرفراز احمد کے ہمراہ چوتھی وکٹ کے لیے 96رنز کا اضافہ کیا اور دوران دونوں بلے بازوں نے اپنی اپنی نصف سنچریاں بھی مکمل کیں،شعیب ملک 53رنز بنا کر آﺅٹ ہوئے اور کپتان سرفراز احمد نے 89رنز کی ناقابل شکست اننگز کھیل کر گرین شرٹس کا سکور 204رنز تک پہنچانے میں مرکزی کردار ادا کیا ۔

اس سے قبل ٹاس جیتنے کے بعد قومی کرکٹ ٹیم کے کپتان سرفراز احمد کا کہنا تھا کہ سکاٹ لینڈ کو کمزور حریف تصور نہیں کریں گے، گزشتہ روز انگلینڈ کے خلاف سکاٹش ٹیم نے کھیل کے تینوں فارمیٹ میں بہت عمدہ کھیل پیش کیا۔سرفراز احمد کا مزید کہنا تھا کہ ٹی ٹونٹی آسان فارمیٹ نہیں، ہم دیکھ چکے ہیں کہ افغانستان نے بنگلادیش کو 0-3 سے شکست دی، اس سے کوئی فرق نہیں پڑتا کہ آپ نمبر ون پوزیشن پر ہیں یا نمبر 8 پر، آپ کو محدود اوور کے فارمیٹ میں بہترین کارکردگی پیش کرنا ہوتی ہے۔

سکاٹ لینڈ گزشتہ روز ون ڈے رینکنگ کی نمبر ون ٹیم انگلینڈ کو شکست دے کر پاکستان کے لیے خطرے کی گھنٹی بجا چکا ہے جبکہ پاکستان ٹی ٹوئنٹی رینکنگ کی نمبر ون ٹیم ہے۔پاکستانی ٹیم سرفراز احمد کی قیادت میں فخرز مان، احمد شہزاد، حسین طلعت، شعیب ملک، آصف علی، فہیم اشرف، شاداب خان، محمد نواز، محمد عامر اور حسن علی پر مشتمل ہے۔سکاٹ لینڈ کی ٹیم کی قیادت کائیل کوئٹزر کررہے ہیں جب کہ دیگر کھلاڑیوں میں میٹ کروس(وکٹ کیپر)، رچی بیرنگٹن، جارج منسی، مارک واٹ، میتھیو کراس، ڈیلان بج، مائیکل لیسک، کالم مکلاوڈ، الیسڈیئر ایوانز، سفیان شریف، حمزہ طاہر شامل ہیں۔

وقت اشاعت : 12/06/2018 - 23:02:44

Facebook Twitter Reddit Pinterest Whatsapp

مزید متعلقہ خبریں پڑھئیے‎ :

Waqar Younis has announced his Pakistan squad for the T20 World Cup
Zaman Khan and Abbas Afridi failed to make a place

وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا

قومی ٹیم کے سابق کپتان وقار یونس نے ٹی20 ورلڈکپ کیلئے اپنے 15 رکنی سکواڈ کا انکشاف کردیا۔ نیوزی لینڈ کے خلاف سیریز کے چوتھے ٹی ٹونٹی میچ کے آغاز سے قبل اپنے 15 رکنی سکواڈ میں نوجوان صائم ایوب، فخر زمان اور عثمان خان کیساتھ بابر اعظم کو ٹاپ آرڈر میں جگہ ... مزید

Qatar Junior Squash, Pakistan bagged two silver medals
Abdullah Zaman, Ahmad Ali Naz bagged silver medal in U-15, U-11 category ..

قطر جونیئر سکواش ، پاکستان نے دو چاندی کے تمغے اپنے نام کر لیے

پاکستانی سکواش کھلاڑیوں نے گزشتہ روز دوحہ میں ہونے والی جونیئر سکواش چیمپئن شپ میں چاندی کے دو تمغے اپنے نام کیے۔ دو پاکستانی نوجوان عبداللہ زمان اور احمد علی ناز نے چاندی کے تمغے حاصل کیے کیونکہ وہ ایونٹ میں انڈر 15 اور انڈر 11 کے فائنل میں ہار گئے۔ عبداللہ ... مزید

Changing position without telling the player makes a difference: Fakhar Zaman
In T20s, I bat at number four but changing ..

کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان

قومی ٹیم کے بیٹر فخر زمان کا کہنا ہے کہ کھلاڑی کو بغیر بتائے پوزیشن تبدیل کرنے سے فرق پڑتا ہے۔ قذافی سٹیڈیم میں کھیلے گئے سیریز کے چوتھے میچ کے بعد گفتگو کرتے ہوئے 34 سالہ بیٹر فخر زمان نے کہا کہ ٹی ٹونٹی میں چوتھے نمبر پر ہی بیٹنگ کرتا ہوں لیکن کھلاڑی کو ... مزید

Babar Azam blames the defeat against New Zealand on the batsmen
Couldn't score more runs in the middle overs, we should ..

بابر اعظم نے نیوزی لینڈ سے شکست کا ذمہ دار بیٹرز کو قرار دیدیا

قومی ٹیم کے کپتان بابر اعظم نے نیوزی لینڈ سے مسلسل دوسرے میچ میں شکست کا ذمہ دار بیٹرز کو قرار دیا ہے۔ قذافی اسٹیڈیم میں کھیلے گئے سیریز کے چوتھے میچ کے بعد گفتگو کرتے ہوئے بابراعظم نے کہا کہ بیٹنگ میں ناکامی سے میچ نہ جیت سکے ہم بیٹنگ میں اچھا پرفارم ... مزید