قومی انڈر 19 تین روزہ کرکٹ ٹورنامنٹ کے تیسرے راوٴنڈ کا پہلا روز مکمل

لاہور (اُردو پوائنٹ اخبارتازہ ترین۔ 15 اکتوبر2019ء) اسٹیٹ بنک اسٹیڈیم کراچی میں سندھ نے ناردرن کے 272 رنز کے جواب میں ایک وکٹ کے نقصان پر 13 رنز بنالیے ہیں۔ اس سے قبل ناردرن نے آلراوٴنڈر مبصر خان کے 109 رنز کی بدولت 272 رنز بنائے۔ 180 گیندوں کا سامنا کرنے والے مبصر خان کی اننگز میں 12 چوکے شامل تھے۔سندھ کے میڈیم پیسر محمد مکی نے 73 رنز کے عوض کے 5 اور اسپنر آرش علی خان نے 77 رنز کے عوض 4 کھلاڑیوں کو آوٴٹ کیا۔

جواب میں ناردرن نے دن کے اختتام پرایک وکٹ کے نقصان پر 13 رنزبنالیے ہیں۔
دوسری جانب جناح اسٹیڈیم سیالکوٹ میں سنٹرل پنجاب نے بلوچستان کے 350رنز کے جواب میں بغیر کسی نقصان کے35 رنز بنالیے ہیں۔ اس سے قبل بلوچستان نے مڈل آرڈر بلے باز محمد کے104 رنز کی بدولت مقررہ 83 اوورز میں 7 وکٹوں کے نقصان پر350 رنز بنائے۔

(جاری ہے)

155 گیندوں کا سامنا کرنے والے محمد کی اننگز میں 15 چوکے شامل تھے۔

محمد ابراہیم نے 53 رنز کی اننگز کھیلی۔ سنٹرل پنجاب کے فاسٹ باوٴلر علی مصطفیٰ نے 75 رنز کے عوض کے 3کھلاڑیوں کو آوٴٹ کیا۔ سنٹر ل پنجاب نے دن کے اختتام پر بغیر کسی نقصان پر 35 رنزبنالیے ہیں۔