شنیرااکرم کراچی میں لوڈشیڈنگ سے تنگ

کراچی (اردو پوائنٹ تازہ ترین اخبار۔ 18 ستمبر2020ء) سوئنگ کے سلطان وسیم اکرم کی اہلیہ و سماجی کارکن شنیرا نے کراچی میں جاری لوڈشیڈنگ سے تنگ آکر سوشل میڈیا پر اپنا پیغام جاری کردیا۔ معاشرتی مسائل پر اپنی آواز بلند کرنے والی اور مائیکرو بلاگنگ سائٹ ٹوئٹر کی دنیا میں سب سے آگے رہنے والی 37 سالہ شنیرا اکرم نے اس بار کراچی میں جاری لوڈشیڈنگ کے سنگین مسئلے پر اپنے خیالات کا اظہار کیا ہے۔

شنیرا اکرم نے کراچی میں جاری اعلانی اور غیر اعلانی لوڈشیڈنگ سے تنگ آکر ٹوئٹ کرتے ہوئے لکھا کہ ’’کراچی شہر جہاں سارا سال سورج اپنی گرمی کی شدت سے آگ برساتا ہے وہاں میرے لیے یہ سمجھنا مشکل ہے کہ ہمارے پاس بجلی کیاتنے سنگین مسائل کیوں ہیں جب کہ ہم سورج کی مدد سے سولر انرجی بھی پیدا کرسکتے ہیں ۔

(جاری ہے)

وسیم اکرم کی اہلیہ نے وٹامن ڈی کی کمی کے شکار افراد کے لیے سوالیہ انداز میں لکھا کہ یہ سمجھنا بھی مشکل ہے کہ کراچی میں اتنی گرمی ہونے کے باجود بھی یہاں کے لوگ وٹامن ڈی کی کمی کا شکار کیوں ہیں‘‘۔

انہوں نے اپنے ٹوئٹ میں ہیش ٹیگ SolarEnergy ،Karachi اور HarvestTheSun بھی استعمال کیے۔