حسن علی پی ایس ایل 6 سے دستبردار

ابوظہبی (اردو پوائنٹ تازہ ترین اخبار ۔ 12 جون 2021ء ) اسلام آباد یونائیٹڈ کے فاسٹ بائولر حسن علی خاندانی وجوہات کی بناء پر بقیہ پاکستان سپر لیگ (پی ایس ایل) کے سیزن 6 میچز سے محروم رہیں گے۔ فرنچائز نے ایک بیان میں اس بات کی تصدیق کی ہے کہ حسن اپنی فیملی کمٹمنٹ کے باعث آج رات پاکستان روانہ ہوں گے۔

(جاری ہے)

حسن علی نے اپنے جاری کردہ بیان میں کہا کہ ’بدقسمتی سے مجھے کچھ ذاتی وجوہات کی بناء پر خود کو پی ایس ایل 6 سے دور کرنا پڑا، کچھ چیزیں کرکٹ سے زیادہ اہم ہیں اور فیملی سے زیادہ کوئی بھی اہم بات نہیں ہے‘ ۔

واضح رہے کہ حال ہی میں حسن اور اس کی اہلیہ سامعہ کے ہاں بیٹی کی ولادت ہوئی ہے، حسن علی اپنے پہلے بچے کی پیدائش پر جنوبی افریقہ میں قومی ٹیم کے ساتھ تھے۔