شان مسعود قومی ٹیم کیلئے سلیکٹ نہ ہونے کے بعد واپس انگلینڈ چلے گئے

لاہور (اردو پوائنٹ تازہ ترین اخبار ۔ 5 اگست 2022ء ) پاکستان کرکٹ بورڈ (پی سی بی) نے ایشیاء کپ 2022ء اور نیدرلینڈز کے خلاف آئندہ ون ڈے سیریز کے لیے سکواڈز کا اعلان کرتے ہوئے پاکستانی اوپنر شان مسعود کو ایک بار پھر قومی ٹیم کے انتخاب کے لیے نظر انداز کر دیا ہے۔ بائیں ہاتھ کے کھلاڑی نے کاؤنٹی چیمپئن شپ 2022ء میں ریکارڈ ساز کارکردگی پیش کی اور سیزن مہم کے لیے 1000 فرسٹ کلاس رنز کا ہندسہ عبور کرنے والے پہلے کھلاڑی بن گئے۔

انہوں نے بطور کپتان ڈربی شائر کو وائٹلٹی بلاسٹ کے کوارٹر فائنل تک بھی پہنچایا۔ شاندار کارکردگی کے باوجود شان مسعود کو قومی ٹیم میں شامل نہیں کیا گیا۔ قومی ٹیم کے اوپنر اس کی بجائے ڈربی شائر کے لیے کھیلنا جاری رکھنے کے لیے انگلینڈ واپس چلے گئے ہیں۔

(جاری ہے)

ان کی واپسی کے حوالے سے خبر کی تصدیق ڈربی شائر نے اپنے آفیشل ٹوئٹر اکاؤنٹ پر کی۔

کائونٹی کرکٹ میں واپسی کے بارے میں بات کرتے ہوئے شان مسعود نے دعویٰ کیا کہ وہ دوبارہ کرکٹ کھیلنے کے منتظر ہیں اور ان کے ساتھ صبر کرنے پر ڈربی شائر کی تعریف کی۔