فضائوں میں بدترین شکست کے بعد بھارت نے پی ایس ایل کو نشانے پر رکھ لیا

مودی سرکار کے زیر اثر بھارتی میڈیا غیرملکی کھلاڑیوں کی سیکیورٹی سے متعلق جھوٹی خبریں پھیلانے لگا

ذیشان مہتاب جمعرات 8 مئی 2025 10:33

فضائوں میں بدترین شکست کے بعد بھارت نے پی ایس ایل کو نشانے پر رکھ لیا

لاہور (اردو پوائنٹ تازہ ترین اخبار ۔ 8 مئی 2025ء ) بھارت نے فضائوں میں پاکستان کے ہاتھوں بدترین شکست کے بعد پاکستان سپر لیگ (پی ایس ایل) 2025ء میں شریک غیرملکی کھلاڑیوں کو نشانے پر رکھ لیا۔

بھارت کی انتہاپسند حکمراں جماعت پی جے پی نے اپنے جھوٹے پروپیگنڈے کو پھیلانے کیلئے انڈین میڈیا کا سہارا لے لیا ہے تاکہ پاکستان سپر لیگ (پی ایس ایل) کو سپوتاژ کیا جاسکے۔

(جاری ہے)

انڈین میڈیا نے پی ایس ایل میں شریک کھلاڑیوں کی سکیورٹی پر سوال اٹھانا شروع کردیا ہے جبکہ انڈین پریمئیر لیگ میں شریک غیر ملکی کرکٹرز خصوصاً نیوزی لینڈ کرکٹ بورڈ نے اپنے کھلاڑیوں کی سکیورٹی پر شدید تشویش کا اظہار کیا ہے۔

رپورٹس میں دعویٰ کیا گیا ہے کہ انگلینڈ کے 7 کھلاڑی سیم بلنگز، جیمز ونس، ٹام کرن، ڈیوڈ ویلی، کرس جارڈن، ٹام کوہلر کیڈمور اور لیوک ووڈ پی ایس ایل میں شامل ہیں تاہم ڈیوڈ ویلی، کرس جارڈن نے فرنچائز ملتان سلطانز سے بات کی ہے کہ وہ گھر روانہ ہونا چاہتے ہیں۔

ادھر حقیقت یہ ہے کہ پی ایس ایل 10 میں شریک ملتان سلطانز کی ٹیم پہلے ہی کوالیفائر کی دوڑ سے باہر ہوچکی ہے جب کہ فرنچائز کو اپنا آخری میچ اتوار کو کوئٹہ گلیڈی ایٹرز کیخلاف کھیلے گی۔

وقت اشاعت : 08/05/2025 - 10:33:51