محسن نقوی کی امریکا میں بابر اعظم، رضوان اور نسیم شاہ سے ملاقات، آئندہ سیریز پر گفتگو

مستقبل میں ایشیا کپ اور ٹی ٹونٹی ورلڈکپ جیسے اہم ایونٹس آ رہے، ایک دوسرے کو اسی طرح سپورٹ کریں : چیئرمین پی سی بی

ذیشان مہتاب پیر 4 اگست 2025 12:55

محسن نقوی کی امریکا میں بابر اعظم، رضوان اور نسیم شاہ سے ملاقات، آئندہ سیریز پر گفتگو

لائوڈرھل (اردو پوائنٹ تازہ ترین اخبار ۔ 4 اگست 2025ء ) پاکستان کرکٹ بورڈ (پی سی بی) کے چیئرمین محسن نقوی نے امریکا میں پاکستانی کھلاڑیوں بابر اعظم، محمد رضوان اور نسیم شاہ سے ملاقات کی۔

چیئرمین پی سی بی محسن نقوی ان دنوں امریکا میں ہیں جہاں اٴْنہوں نے فلوریڈا میں پاکستان اور ویسٹ انڈیز کے درمیان دوسرا ٹی ٹوئنٹی دیکھا، اس کے علاوہ اٴْنہوں نے قومی ٹیم کے اسٹار کھلاڑیوں بابر اعظم، محمد رضوان اور نسیم شاہ سے ملاقات بھی کی۔

(جاری ہے)

چیئرمین پی سی بی کی قومی ون ڈے اسکواڈ میں شامل تینوں کھلاڑیوں سے ملاقات میں کرکٹ کے امور پرگفتگو ہوئی۔

کرکٹرز سے ملاقات میں محسن نقوی کا کہنا تھا کہ خوشی ہے کہ کھلاڑی اب ایک ٹیم بن کر کھیل رہے ہیں۔

ان کا کھلاڑیوں سے کہنا تھا کہ مستقبل میں ایشیا کپ اور ٹی ٹونٹی ورلڈکپ جیسے اہم ایونٹس آ رہے ہیں، ایک دوسرے کو اسی طرح سپورٹ کریں تاکہ کامیابی حاصل کرسکیں۔

وقت اشاعت : 04/08/2025 - 12:55:32