جشنِ آزادی ماسٹرز کپ ٹیبل ٹینس ٹورنامنٹ: وویمنز ٹاٹل بسمہ فریال نے جیت لیا

اسلام آباد(اُردو پوائنٹ اخبارتازہ ترین - این این آئی۔ 21 اگست2025ء)پاکستان ٹیبل ٹینس فیڈریشن کے زیر اہتمام منعقدہ جشنِ آزادی ماسٹرز کپ کا مینز سنگلز ٹاٹل ہائر ایجوکیشن کمیشن کے محمد تیمور خان اور وویمنزسنگلز ٹاٹل واپڈا کی بسمہ فریال نے جیت لیا۔

(جاری ہے)

تفصیلات کے مطابق چار روزہ ایونٹ لیگ فارمیٹ پر کھیلاگیا جس کے ذریعے پاکستان کی قومی ٹیم کا انتخاب کیا جایگا جو رواں سال سعودی عرب میں ہونے والے اسلامگ گیمز میں پاکستان کی نمائندگی کرے گی۔

ٹورنامنٹ میں ایچ ای سی، واپڈا، آرمی، او جی ڈی سی، این ایچ اے، سندھ، پنجاب اور خیبرپختونخوا سے تعلق رکھنے والے قومی رینکنگ کے سرفہرست 32 مرد اور 16 خواتین کھلاڑیوں نے شرکت کی۔اختتامی تقریب کے مہمانِ خصوصی پاکستان ٹیبل ٹینس فیڈریشن کے صدر احمر ملک اور پنجاب ٹیبل ٹینس ایسوسی ایشن کے صدر عرفان اللہ خان تھے جنہوں نے کامیاب کھلاڑیوں میں انعامات تقسیم کیے۔