5 رکنی قومی باکسنگ ٹیم 21 جولائی کو کامن ویلتھ گیمز میں شرکت کے لئے سکاٹ لینڈ روانہ ہوگی

اسلام آباد (اُردو پوائنٹ اخبارتازہ ترین - اے پی پی۔ 18 جولائی2026ء) 5 رکنی قومی باکسنگ ٹیم 21 جولائی کو کامن ویلتھ گیمز میں شرکت کے لئے گلاسگو سکاٹ لینڈ روانہ ہوگی۔پاکستان باکسنگ فیڈریشن کے صدر کرنل ریٹائرڈ ناصر اعجاز تنگ نے بتایا کہ 5 رکنی قومی باکسنگ ٹیم تین مرد جبکہ دو خواتین کھلاڑیوں پر مشتمل ہے ، مرد کھلاڑیوں میں قدرت اللہ، افضل خان پٹھان اور صمامہ رحمان جبکہ خواتین باکسرز میں فاطمہ زہرا اور ملائیکہ زاہد شامل ہیں۔

(جاری ہے)

میجر عرفان یونس ٹیم کے ہمراہ ٹیم منیجر جبکہ محمد نثار خان کوچنگ کے فرائض انجام دیں گے۔ کامن ویلتھ گیمز 23 جولائی سے 2 اگست تک گلاسگو سکاٹ لینڈ میں کھیلی جائے گی۔ انہوں نے کہا کہ کامن ویلتھ گیمز کی تیاری کے سلسلہ میں قومی کے کھلاڑیوں کا تربیتی کیمپ پاکستان سپورٹس کمپلیکس اسلام آباد میں جاری ہے جن کو ہیڈ کوچ ارشد حسین سمیت دیگر کوچز محمد نثار خان (پاکستان آرمی) اور محمد لیاقت مغل(پاکستان نیوی) جدید اور اعلیٰ تربیت دے رہے ہیں۔