ایس ای سی پی کا عوام کو میگ وینچرزکی سرمایہ کاری سکیم بارے انتباہ

جمعہ 1 اگست 2025 16:28

ایس ای سی پی کا عوام کو میگ وینچرزکی سرمایہ کاری سکیم  بارے  انتباہ
اسلام آباد (اُردو پوائنٹ اخبارتازہ ترین - اے پی پی۔ 01 اگست2025ء) سکیورٹیز اینڈ ایکسچینج کمیشن آف پاکستان (ایس ای سی پی) نے ایک بظاہر فراڈ پر مبنی سرمایہ کاری /رقم جمع کرنے کی سکیم کی نشاندہی کی ہے جسے سید محسن سلطان شاہ ’’میگ وینچرز‘‘ کے نام سے مختلف سوشل میڈیا پلیٹ فارمز پر پروموٹ کیا جا رہا ہے۔ یہ سکیم عوام کو خلیجی ممالک میں گوشت برآمد کرنے کے کاروباری شراکت کے جھانسے سے راغب کرتی ہے اور ہر ماہ 5 فیصد سے12 فیصد تک کے حلال منافع کی ضمانت دیتی ہے جو مبینہ طور پر ایک فتویٰ سے ثابت شدہ بتائے جاتے ہیں۔

سرمایہ کاری کے پیکجز 1 لاکھ روپے سے لے کر 1 کروڑ روپے تک ہیں اور سرمایہ کاروں کو سٹامپ پیپر معاہدوں اور بعد کی تاریخوں کے چیکوں کے ذریعے سکیورٹی کی یقین دہانی کرائی جاتی ہے۔

(جاری ہے)

یہ سکیم یہ بھی دعویٰ کرتی ہے کہ وہ اپنے کاروبار کو مختلف شعبوں میں پھیلانے کا منصوبہ رکھتی ہے جن میں رئیل سٹیٹ ڈویلپمنٹ، سپر مارکیٹس، گاڑیوں کی خرید و فروخت، کیفے، فیشن اور بیوٹی، ایپل مصنوعات کی ریٹیلنگ اور دبئی میں ہیڈکوارٹر کے ساتھ عالمی سطح پر کام شامل ہے۔

سید محسن سلطان شاہ نے کمپنیز ایکٹ 2017 کے تحت ایک کمپنی رجسٹر کر رکھی ہے جس کا نام بھی ملتا جلتا ہے، میگ وینچرز (ایس ایم سی-پرائیویٹ) لمیٹڈ جو ٹریڈنگ سیکٹر میں ہے۔ اس کے ساتھ دو اور کمپنیاں بھی رجسٹرڈ کی گئی ہیں، میگ آرگینک میٹس (ایس ایم سی-پرائیویٹ) لمیٹڈ اور میگ بلڈرز اینڈ ڈویلپرز (ایس ایم سی-پرائیویٹ) لمیٹڈ تاہم اس کےفنڈز ایک غیر رجسٹرڈ ادارے گیلیکسی ٹریڈرز کے بینک اکائونٹ اور کرپٹو کرنسی والٹس کے ذریعے جمع کیے جا رہے ہیں۔

ایس ای سی پی عوام کو سختی سے خبردار کرتی ہے کہ وہ میگ وینچرز، گیلیکسی ٹریڈرز، میگ وینچرز (ایس ایم سی-پرائیویٹ) لمیٹڈ، میگ آرگینک میٹس (ایس ایم سی-پرائیویٹ) لمیٹڈ، میگ بلڈرز اینڈ ڈویلپرز (ایس ایم سی-پرائیویٹ) لمیٹڈ یا کسی بھی متعلقہ ادارے میں سرمایہ کاری یا رقم جمع نہ کروائیں، کیونکہ یہ ادارے کسی بھی قسم کے انتظام کے تحت رقم جمع کرنے یا سرمایہ کاری سکیمیں چلانے کے مجاز نہیں ہیں۔

ان کمپنیوں کے نام ایس ای سی پی کی غیر مجاز سرگرمیوں میں ملوث کمپنیوں کی فہرست میں شامل کر دیئے گئے ہیں جو ایس ای سی پی کی سرکاری ویب سائٹ پر دستیاب ہے۔یہ معاملہ مزید کارروائی کے لیے متعلقہ تفتیشی اداروں کو بھی بھیج دیا گیا ہے۔عوام کو یاد دہانی کرائی جاتی ہے کہ سرٹیفکیٹ آف ان کارپوریشن صرف کمپنی کی رجسٹریشن ظاہر کرتا ہے اور یہ کسی کمپنی کو رقم جمع کرنے یا سرمایہ کاری سکیمیں شروع کرنے کا اختیار نہیں دیتا۔سرمایہ کاروں پر زور دیا جاتا ہے کہ وہ کسی بھی سرمایہ کاری کی پیشکش کی قانونی حیثیت کی تصدیق ایس ای سی پی کے سرکاری ذرائع سے ضرور کریں، اس سے پہلے کہ وہ سرمایہ کاری کریں۔

Browse Latest Business News in Urdu

ایس ای سی پی نے سٹریٹجک اقدامات کے ذریعے میوچوئل فنڈز میں  تبدیلی کا آغاز کر دیا

ایس ای سی پی نے سٹریٹجک اقدامات کے ذریعے میوچوئل فنڈز میں تبدیلی کا آغاز کر دیا

ایس ای سی پی کا عوام کو میگ وینچرزکی سرمایہ کاری سکیم  بارے  انتباہ

ایس ای سی پی کا عوام کو میگ وینچرزکی سرمایہ کاری سکیم بارے انتباہ

چینی وفد کا دورہ پاکستان،میری ٹائم اور توانائی شعبوں میں تعاون کے فروغ پر اتفاق

چینی وفد کا دورہ پاکستان،میری ٹائم اور توانائی شعبوں میں تعاون کے فروغ پر اتفاق

امریکہ کے ساتھ ٹیرف معاہدہ: پاکستانی برآمدات کے لیے نئے مواقع کی نوید

امریکہ کے ساتھ ٹیرف معاہدہ: پاکستانی برآمدات کے لیے نئے مواقع کی نوید

فیصل آباد میں بین الاقوامی نمائشوں کے انعقاد کیلئے ایکسپو سنٹر  کا قیام ضروری ہے،ریحا ن نسیم بھراڑہ

فیصل آباد میں بین الاقوامی نمائشوں کے انعقاد کیلئے ایکسپو سنٹر کا قیام ضروری ہے،ریحا ن نسیم بھراڑہ

برائلر گوشت کی قیمت میں7روپے کلو اضافہ

برائلر گوشت کی قیمت میں7روپے کلو اضافہ

850 ارب کی اضافی آمدنی کے باوجود مجموعی ہدف آسانی سے پورا کرنا مشکل ہوگا‘ ٹیکس ایڈوائزرز

850 ارب کی اضافی آمدنی کے باوجود مجموعی ہدف آسانی سے پورا کرنا مشکل ہوگا‘ ٹیکس ایڈوائزرز

پاک ،امریکہ تجارتی معاہدہ پاکستان کیلئے اہم اسٹریٹجک ،اقتصادی کامیابی ہے‘ خادم حسین

پاک ،امریکہ تجارتی معاہدہ پاکستان کیلئے اہم اسٹریٹجک ،اقتصادی کامیابی ہے‘ خادم حسین

اے ایس پی  افسران   کاسیالکوٹ چیمبر آف کامرس اینڈ انڈسٹری  کا دورہ

اے ایس پی افسران کاسیالکوٹ چیمبر آف کامرس اینڈ انڈسٹری کا دورہ

لاہور چیمبرکا پاک امریکہ کے درمیان طے پانیوالے تجارتی معاہدے کا پرتپاک خیرمقدم

لاہور چیمبرکا پاک امریکہ کے درمیان طے پانیوالے تجارتی معاہدے کا پرتپاک خیرمقدم

ایس ای سی پی نے پرائیویٹ فنڈ ریگولیشنز 2015 میں مجوزہ ترامیم پر عوامی رائے طلب کر لی

ایس ای سی پی نے پرائیویٹ فنڈ ریگولیشنز 2015 میں مجوزہ ترامیم پر عوامی رائے طلب کر لی

تاجر برادری کو  درپیش چیلنجز کا واحد حل جامع اور پائیدار اقتصادی اصلاحات ہیں ،  ناصر منصور قریشی

تاجر برادری کو درپیش چیلنجز کا واحد حل جامع اور پائیدار اقتصادی اصلاحات ہیں ، ناصر منصور قریشی