استاد کا مرتبہ

ہمیں معاشرے میں ایک مقام دلوانے میں استاد کا بڑا کردار ہوتا ہے۔مگر حالات کے پیش نظر آج وہ دور آ گیا ہے کہ جس میں استاد کی عزت طالب علم کی نظر میں ختم ہوتی چلی جارہی ہے۔بہت عرصے کے بعد جب آج میرا جانامیرے کالج میں ہوا۔کینٹین کے باہر دو لڑکیاں آپس میں باتیں کر رہی تھی۔جب کہ میں دوسری جانب بیٹھی تھی کہ اچانک میرا ان کی باتوں پر دھیان گیا۔ان کی باتیں اپنے استاد کے بارے میں تھی جو ان کو پڑھاتی تھی۔

بات کچھ یوں تھی کہ انکی استاد جو کالج میں داخل ہوئیں ان کی گاڑی کی حالت بہت زیادہ خستہ تھی۔وہ گاڑی کو پارک کرتے ہوئے اندر کی جانب بڑھ رہی تھی۔ جبکہ وہ دونوں لڑکیاں ان کا مذاق بنا رہی تھی کہ ان کی اوقات نہیں ہیں، اچھی گاڑی میں بیٹھنے کی ان سے کہیں زیادہ اچھی گاڑیاں ہمارے گھر میں موجود ہے۔

(جاری ہے)

ہم ان کو دو سال سے لگاتار دیکھ رہی ہیں اس پھٹیچر گاڑی میں آتے ہوئے۔

اس طرح وہ دونوں ایک دوسرے کے ہاتھ پر ہاتھ مارتے ہوئے اپنی استاد کا مذاق بناتے ہوئے اپنی کلاس میں چلی گئیں۔میں ان کو جواب نہ دے سکی مگر ان کی اس باتوں نے مجھے یہ سوچنے پر مجبور کردیا کہ ہمارے استادوں کا معاشرے میں آخر مقام کیا ہے میں ان لڑکیوں کی سوچ پر صرف یہ کہہ سکتی ہوں کہ ہو سکتا ہے وہ استاد خستہ حالت گاڑی میں آتی ہے اور ان سے کہیں دگنی گاڑیاں ہوگی تم لوگوں کے پاس مگر جتنی تعلیم یافتہ وہ ہے اس مقام کو حاصل کرنے کے لئے ہی کالج میں تعلیم حاصل کرنے تم لوگ ابھی آ رہی ہو اور کئی سال لگ جائیں گے ۔

اس استاد جتنی تعلیم حاصل کرنے میں اور جن چیزوں کا تم حوالہ دے کر ان کا مذاق بنا رہی ہو وہ چیزیں تمہیں ابھی اسی وقت ویسا مقام نہیں دلاسکتی جو مقام اس استاد کا ہے۔
بچپن سے ہم نے تو یہی سیکھا ہے کہ استاد کی عزت ضروری ہے کیونکہ استاد کی بدولت ہم پڑھنے کے قابل ہوتے ہیں۔اور اس بات میں کوئی دو رائے نہیں۔حضرت علی رضی اللہ تعالی عنہا کا ارشاد ہے کہ علم دولت سے بہتر ہے اس لئے کہ دولت فرعون اور قارون کو ملتی ہے۔

اور علم پیغمبروں کو ملتا ہے۔
استاد کی اہمیت کا اندازہ اس بات سے لگایا جاسکتا ہے۔ استاد کے حقوق کا انکار ناشکری سے بھی زیادہ بُرا ہے۔ناشکری یہ کہ علم سیکھ جانے کے باوجود سکھانے والے کی تربیت اور محنت سے انکار کرنا اور یہ کہنا کہ استاد نے مجھے ابتداء میں تھوڑا بتایا باقی جو بھی سیکھا وہ خود سے سیکھا ہے تو وہ شخص استاد کے دیے ہوئے علم سے انکار کرتا ہے اور نہ شکری احسان کا انکار ہے۔

حضرت محمد صل وسلم نے ارشاد فرمایا جس نے تھوڑے احسان کا شکر ادا نہ کیا اس نے زیادہ احسان کا شکر ادا نہ کیا۔استاد کا احترام شاگردوں پر واجب ہے۔
حضرت علی رضی اللہ عنہا فرماتے ہیں۔جس نے مجھے ایک حرف سکھایا تو اس نے مجھے غلام بنا لیا پھر اس کی مرضی کے چاہے بیچ دے اور اگر چاہے تو آزاد کردے۔
میرا اس بارے میں لکھنے کا صرف یہ مقصد ہے کہ اپنے استاد سے ادب و احترام سے پیش آئیں۔کیونکہ والدین کے بعد اگر کوئی ہماری تربیت کو بہتر بناتا ہے تو وہ ہمارے استاد ہوتے ہیں۔اور علم حاصل کرنا یہی ہوتا ہے کہ ہم ادب و احترام سیکھیں اور معاشرے میں ایک بہتر انسان ہونے کا حق ادا کرے اور یہ ہم تب ہی کرسکتے ہیں جب ہم سکھانے والے کی اہمیت کو سمجھیں گے۔

ادارہ اردوپوائنٹ کا مضمون نگار کی رائے سے متفق ہونا ضروری نہیں ہے۔