وقت کیا ہے؟

وقت ایک بہت ہی عجیب شئے ہے، بہت ہی عجیب۔ آ پ اسے جس عنوان یا جس حوالےسے دیکھنا اور سمجھنا چاہیں۔
آ پ سے ریکھ نہیں سکتے نہ محسوس کرسکتے ہیں لیکن آپ اسے ماپ سکتے ہیں نانو سیکنڈ سے لے کر نوری سال تک۔ یہ اس کائنات کی تمام تر تاریخ کا امین بھی ہے۔ عیسوی اور  ہجری سال ،قبل مسیح اور پتھروں کا زمانہ وغیرہ۔
یہ ایک استعارہ بھی ہے اور تشبیہ بھی ہے، افسانہ بھی اور حقیقت بھی۔

ہمارا ملاپ اور جوانی وقت کے بندھنوں میں قید ہے۔ خوش آمدید، ہجر کی طویل رات، الوراعی ملاقات۔ ہماری سوچ اور ذہنی کیفیت۔ ایک لمحہ سالوں پر بھاری
پیدائش اور موت کے درمیان کا وقفہ وقت ہی تو ہے۔

(جاری ہے)

فقط چند سال۔ اسی وقفےمیں ہم سامان آخرت بھی جمع کرتے ہیں، اس وقت کے لئے جو آ نے والا ہے اور لا متناہی ہے۔

برا وقت،اچھا وقت ، بات ماضی کی ہو، حال کی ہو یا مستقبل کی ۔ ہم ہر حال میں وقت کے اسیر ہیں۔ آپ کواس موضوع پر ہزاروں کہاوتیں، اقوال زرین اور اشعار مل جائیں گے
ہرنئے دن کے ساتھ قدرت 1440منٹ کی ایک تھیلی ہر شخص کے حوالے کرتی ہے چاہے وہ امیر ہو غریب، ملک کا وزیراعظم ہو یا نادار شہری اور بین السطور یہی پیغام ہوتا ہے اج جس طرح چاہو خرچ کرو لیکن کل اس کا حساب دینا ہے خود کو بھی اور اس کو بھی جس نے تمہں یہ قیمتی تھیلی مفت میں عطاکی ہے۔

آپ پوری دنیا کی دولت خرچ کر کے بھی مزید ایک لمحہ حاصل نہیں کر سکتے ۔ تاہم آپ نے لوگوں کو اکثر یہ کہتے سنا ہو گا کہ میں ٹائم پاس کر رہا ہوں یا ٹائم کل killکر رہا ہون۔
وقت کے بارے میں ہمیں ہر پل اور حد درجہ محتاط رہنے کی ضرورت ہے کہ ہم اپنے وقت کے خود ہی امین ہیں ۔
امانت آپ کی ہے جس طرح چاہیں خرچ کریں۔ جواب ہر ایک کو اپنا اپنا دینا ہے۔