‏آپ کا دکھ صرف آپ کا نہیں ہوتا

ہم انسان ہیں ہماری زندگی میں دکھ آنے ہیں یہ حقیقت ہے لیکن کیا جو دکھ آپ کو ملتا ہے وہ صرف آپ سہتے ہیں؟؟؟ آپ کا دکھ صرف آپ کو تکلیف دیتا ہے؟؟؟ ان دکھوں کی اقسام اور اس بات پر گفتگو کرتے ہیں کہ آپ کا دکھ صرف آپ کا نہیں ہوتا
انسان کے تعلقات میں گزرتے وقت کے ساتھ اضافہ ہوتا جاتا ہے ان تعلقات میں کئی طرح کے رشتے قائم ہوتے ہیں اور انہی میں سے کچھ رشتوں کی وجہ سے آپ تکلیف میں جاتے ہیں اور آپ سمجھتے ہیں کہ یہ تکلیف صرف آپ کو مل رہی ہے حالانکہ یہ بالکل غلط ہے اگر ایک جگہ سے آپ کو تکلیف ملتی ہے تو دوسری جگہ وہ بھی ہوتے ہیں جو اس تکلیف کو آپ سے زیادہ محسوس کرتے ہیں یہ ہو سکتا ہے کہ یہ بات سننے میں عجیب ہو لیکن یہی حقیقت ہے آپ بھلے نظریں چرائیں لیکن وہ لوگ جو کسی غرض کے بغیر آپ کے ساتھ ہوتے ہیں جن کو کوئی لالچ نہیں ہوتی لیکن وہ آپ کے ہر قدم آپ کا ساتھ دینا چاہتے وہ لوگ آپ کی تکلیف کو آپ سے زیادہ محسوس کرتے ہیں اگر آپ بار بار جاننے کے باوجود خود کو اس جگہ لے جائیں جہاں آپ کو تکلیف ملتی ہے تو یہ ان لوگوں کے لیے بہت بڑا زخم ہے جو آپ کی تکلیف میں اپنی تکلیف بھول جاتے ہیں
آپ بعض اوقات کسی انسان کو اپنے قریب سمجھتے ہیں آپ کو لگتا ہے کہ جیسا وہ دکھاتا ہے وہ ویسا ہی ہے آپ بار بار اس کے ہاتھوں خود کو اذیت دیتے ہو اور وہ اس قدر کم ظرف ہوتا ہے کہ پہلے آپ کو اذیت دیتا ہے پھر معذرت کہہ کر بری الزمہ ہو جاتا ہے آپ اس وقت اس کو نہیں سمجھ سکتے آپ کو اس طرح وہ اپنا گرویدہ بنا چکا ہوتا ہے کہ آپ کو لگتا ہے وہ ہے تو سب ہے حالانکہ وہ بس اذیت ہے یہ سمجھنے میں سالوں لگ سکتے ہیں اور زندگی برباد ہو سکتی ہے لیکن اس سے نکلنے کے لیے ہمت چاہیے ہوتی ہے آپ کو معلوم ہونا چاہیے کہ آپ بار بار اس کی اذیت سہتے ہیں لیکن وہ بھی لوگ ہیں جو آپ پر آنچ نہیں آنے دینا چاہتے وہ آپ کی تکلیف کو آپ سے کئی گنا زیادہ محسوس کرتے ہیں ان کا بھی دل ہوتا ہے انہیں بھی درد ہوتا ہے وہ آپ کو اذیت کا شکار نہیں دیکھ سکتے
مانا تعلق چاہے ایک دن کا ہو نظر انداز کرنا مشکل ہوتا ہے لیکن خود کو اذیت میں ڈالنا صرف آپ کو اذیت نہیں دیتا ایسے بھی لوگ ہوتے ہیں جنہیں اپنے آپ سے زیادہ آپ سے چاہت ہوتی ہے جو اپنی پرواہ نہیں کرتے لیکن آپ کی ہر بات ان کے لیے معنی رکھتی ہے آپ کا ہر فعل ان کی نظر میں بہت اعلیٰ مقام رکھتا ہے آپ کو ملنے والی اذیت ان کی زندگی میں شامل ہوتی ہے
ہاں یہ بھی ہے جب تکلیف سہنے کی عادت ہو جائے تو تکلیف بھی مزہ دیتی ہے لیکن تکلیف ان لوگوں تک بھی جاتی جن کو آپ سے قربت ہوتی ہے ایسے بھی لوگ ہوتے جو ہر وقت آپ کے لیے دعا کرتے آپ کی تکلیف کو اپنی سمجھتے
کوئی بھی ایسا شخص آپ سے مخلص نہیں ہو سکتا جو مذاق میں یا طنزاً آپ کے کردار پر انگلی اٹھاۓ وہ بھی اس صورت جب آپ اسے سب بتا چکے ہوں یا وہ چیز جو آپ کو جان سے پیاری ہو اس کے اوپر طنز سے بھرپور سوال کرے ایسے لوگ وقت گزاری کے لیے ہوتے جب چاہے طنز کر لیا جب چاہے معذرت
خدارا ایسے لوگوں پر وقت ضائع نہ کریں آپ کے ماں باپ ہیں آپ کے بہن بھائی ہیں آپ کے دوست ہیں ان سب کو آپ کی فکر ہے یہ سب کبھی نہیں چاہیں گے کہ آپ کو کوئی شخص کسی بھی وجہ سے اذیت دے لہذا اپنا، اپنے گھر والوں اور اپنے چاہنے والے دوستوں کا خیال رکھیں اپنے آپ کو اذیت سے بچائیں۔