پاکستان کا نظامِ حکومت کیا ہے؟

ریاستیں  ازل  سے  موجود  نہیں  ہوتیں  ، ناں  ہی  آسمان سے  اترتی  ہے اور  نہ  ہی  کسی  ایک  شخص  کے  حکم  پر  تشکیل  پاتی  ہیں۔ بلکہ  ریاست  کو  بنانے  میں  کئی  برسوں  کی  محنت  اور  کٹھن  منازل  طے  کرنی  پڑتی  ہیں۔
ریاست  کے  وجود  میں  آنے  کے   بعد   سب  سے  پہلا  اور  اہمیت  کا  حامل  فعل  نظامِ ریاست   کی تشکیل   ہوتا   ہے  ،  اب  ریاست میں مملوکیت  کا  نظام  ہو گا یا جمہوری  نظام، اس  کا  فیصلہ  ریاست  کا  سربراہ یا۔

حکمران  کرتا  ہے۔   1947   کو    ہندوستان  کے  مسلمانوں  کی انتھک  ‏محنت   کے  بل بوتے پر   رب العالمین   نے  مملکتِ  پاکستان  جیسا  انعام  اس  عزیم  قوم  کو  عطا  کیا۔ 14 اگست 1947 میں آزادی کے بعد نومولود ملک  کے   سب  سے  پہلے  گورنر  جنرل  قائد  ملت  پاکستان  جناب  ‏"محمد- علی-جناح"  اور  پہلے  وزیراعظم   بننے  کا  شرف "لیاقت علی خان صاحب"   کے  حصے  میں  آیا  اور  مملکتِ پاکستان  کو  جمہوری  نظام   کے  راستے  پر  گامزن  رکھنے  کا  فیصلہ  کیا  گیا۔

(جاری ہے)

  یوں  پاکستان  میں  جمہوریت  نے  ۱۹۴۷  میں جنم  لیا۔   
 جمہوریت  کیا  چیز  ہے۔۔؟جمہوریت  ہی  کیوں،  قائد ملّت  نے  جمہوری  نظام  کا  ہی  کیوں  انتخاب  کیا؟ جی ہاں!  یہ  وہ  سادہ  مگر  قابلِ غور  سوالات  ہیں  جو  جمہوریت  کے  نام  آنے  پر  ہر  زی شعور  شخص  کے  دماغ  میں  گردش  کرنے  لگتے  ہیں ۔ جمہوریت  یعنی  عوام  کی  حکومت،  ایک  ایسا  نظام  جس  میں  رنگ  ،  نسل  ،  زبان  کے  اختلاف  سے  ہٹ  کر  تمام  انسانوں  کے  لیے قانون  و حقوق  برابر  پید ا  ہوتے  ہوں۔

عوام  کو  رائے  دینے  میں  آزادی    حاصل  ہو  عوام  ہی  ریاست  کے  نمائندوں  کا  انتخاب  کرتی  ہو۔  جمہوریت  ان  تمام  خوبیوں  کی  حامل  ہے چونکہ  مملکتِ  پاکستان  میں  مختلف  زبانوں  اور  قومیت  کے  لوگ  زم  تھے۔ اس لیے   قائد ملت  نے  مملکتِ   پاکستان  کو  مملوکیت  (بادشاہیت)  نظام  سے  بچانے  کے  لیے  جمہوری  نظام  کو  پاکستان  میں  رائج  کرنے  کا  فیصلہ  کیا  مگر  16اکتوبر  1951 کو روالپنڈی  کے   ایک پارک میں  جمہوری نظامِ ریاست  کے وزیراعظم  کو  گولیاں  مار  کر  شہید کر دیا گیا اور اسکے ساتھ ساتھ جمہوریت  کو  انتہائی  زخمی  کر  دیا  گیا تا کہ وہ دوبارہ اپنے پاؤں پر کھڑی نہ ہو پائے۔

کیونکہ  جمہورت  کسی  ایک  شخص  کا  نام  نہیں  بلکہ  ایک  نظام  کا  نام  ہے  اس  لیے  16  اکتوبر1951ء  کو جمہوریت صرف زخمی (یعنی  کہ  کمزور)  ہوئی  بلکل  اُس  انسان  کی  طرح  جو  انتہائی  ز‏خمی  ہو  مگر  اس  میں  سانس  کی  حرکت  جاری  وساری  ہو اس  کمزور جمہوریت کو مضبوظ  اور   صحت مند  کرنے  کے  بجائے اس  وقت  کے  برسرِ اقتدار  شخصیات  اس  کو  بیساکھیوں  کے  سہارے  ہی  ساتھ  لے  کر  چل  دیے  اس  کی  ایک  بیساکھی  اپوزیشن  تو  دوسری  بیساکھی کی ذمہ داری  حکومت  نے  انجام  دی ۔

کمزور  اور  بیساکھیوں  کے  سہارے  کی  وجہ  سے  چار    مرتبہ   فوجی  امریوں  نے جمہوریت  سے  بیساکھیں  لے  کر  اس  سے  چلنے  کی  سقت  لے  لی   اور  جمہوریت  راستے  میں  پڑی  اپنی  بیساکیھوں  کا  انتظار  کرتی  رہی۔ فوجی  امریوں  کے  علاوہ  جمہوریت  اپنی  بیساکھیوں  یعنی    اپوزیشن  اور  حکومت کے  سہارے  ایک  ساتھ  کبھی  نہ  چل  سکی  کبھی   اپوزیشن  نے  اپنی  بیساکھی  لے  کر  جمہوریت  کو  ایک  بیساکھی  پر  چلنے  پر  مجبور  کر  دیا  تو  کبھی  حکومت  نے  یہ  عمل  انجام  دیا۔

اس  طرز  کی  جمہوریت کی  وجہ سے بین الاقوامی  تحقیقاتی تنظیم  "ڈیموکریسی  -انڈیکس"  نے  پاکستان  کے  نظام  حکومت  کو'ہائیبرڈ'(مرکب)  قراد  دیا  ہے۔  یعنی  کہ  ایسا  نظام جس  میں  آزادیِ  رائے،  انتخابی  نظام  کمزور(بیساکھیاں)     ہوں۔  167  جمہوری  نظام  والے ممالک  کی  فہرست  میں  پاکستان  105 نمبر  پر ہے ۔ اگر  ہم  حدیث  کے  مفہوم  پر  جائیں  کہ  اپنے  سے  نیچے  والوں  کو  ہمیشہ  دیکھو  تو فہرست  میں    ہم سے نیچے  بھی  بہت  سے  ممالک  ہیں  لہٰذا  ہمیں  شکر  ادا  کرنا  چاہیے اور اگر  فہرست  میں  اوپر  کی  جانب  دیکھیں  تو  ابن  انسان  سوچنے  پر  مجبور  ہو  جاتا  ہے  کہ  اگر    پاکستان  مکمل  جمہوریت  سے  بہت  دور اور ناقص  جمہوریت  والے  ممالک  میں بھی شامل  نہیں  تو  پھر  ملک  پاکستان  کا  نظام  حکومت  کیا  ہے۔

۔۔؟