مقبوضہ کشمیر، بھارتی فوجیوں نے پلوامہ میں مزید 2نوجوان شہید کر دئیے
نوجوانوں کی شہادت پر پلوامہ قصبے، ترال اور دیگر علاقوں میں مکمل ہڑتال ،مظاہرین اور فورسز اہلکاروںکے درمیان شدید جھڑپیں، انٹرنیٹ سروس معطل حریت چیئر مین کا شہید کیے گئے نوجوانوں کو شاندار خراج عقیدت
ہفتہ 10 نومبر 2018 20:18
(جاری ہے)
نوجوانوں کی شہادت پر پلوامہ قصبے، ترال اور ضلع کے دیگر علاقوں میں مکمل ہڑتال کی گئی۔
شہید نوجوانوں لیاقت احمد اور واجد الاسلام کو انکے آبائی علاقوں بیلواور بابہارہ میں سپردخاک کیا گیا ۔ شہید نوجوانوں کی میتیں جلوس کی صورت میںاور آزادی کے حق میں اور بھارت کے خلاف نعروں کی گونج میں جنازہ گاہ پہنچائی گئیں۔ضلع پلوامہ کے علاوہ جنوبی کشمیر کے دیگر اضلاع سے لوگ جوق در جوق نماز جنازہ میںشرکت کیلئے پہنچے اور بڑی تعداد میں لوگوںکی موجودگی کے باعث نماز جنازہ متعدد مرتبہ ادا کی گئی۔ قابض انتظامیہ نے ضلع میں انٹرنیٹ سروس معطل کر دی اور گورنمنٹ ڈگری کالج پلوامہ میں تدریسی عمل معطل رکھنے کے احکامات جاری کیے۔کل جماعتی حریت کانفرنس کے چیئرمین سید علی گیلانی اور سینئر رہنما محمد اشرف صحرائی نے سرینگر سے جاری اپنے بیانات میں پلوامہ میں شہید کے گئے نوجوانوں کو شاندار خراج عقیدت پیش کیا۔ انہوںنے کہا کہ تنازعہ کشمیر کے حوالے سے بھارت کا غیر حقیقت پسندانہ طرز عمل مقبوضہ علاقے میں خون خرابے کی بنیادی وجہ ہے۔ حریت رہنما محمد مصدق عادل، ڈیموکریٹک فریڈم پارٹی اور متحدہ جہاد کونسل کے چیئرمین سیدصلاح الدین نے بھی اپنے بیانات میں شہید نوجوانوں کو شاندار خراج عقیدت پیش کیا۔ دریں اثناء سینٹرل یونیورسٹی کشمیر کے طلباء نے بھارتی پولیس کے ہاتھوں گرفتار ہونے والے ساتھی طلباء کی رہائی پر زوردینے کے لیے سرینگر کے علاقے نوگام میںہفتہ کو ایک احتجاجی مارچ کیا۔ اسلامی تنظیم آزادی جموںوکشمیر نے سرینگر میں ایک بیان میںبھارتی پولیس کی طرف سے گزشتہ رات ضلع بارہمولہ کے علاقے پٹن میں پارٹی چیئرمین عبدالصمد انقلابی کے گھر پر چھاپے اورگھریلوسامان کی توڑ پھوڑ کی شدید مذمت کی ہے۔تحریک وحدت اسلامی نے سرینگر میں ایک اجلاس میں جموں کی کوٹ بھلوال جیل میںغیر قانونی طورپر نظربند پارٹی چیئرمین نثار حسین راتھر کی بگڑتی ہوئی صحت پر تشویش کا اظہا رکیا ہے۔ کشمیری نمائندہ اور انٹرنیشنل مسلم ویمن یونین کی چیئرپرسن شمیم شال نے برسلز میں ایک سیمینار سے خطا ب کرتے ہوئے مقبوضہ کشمیر کی بیوائوں اور لاپتہ افراد کی بیویوں کی حالت زار کو اجاگر کیا ۔ ’’ہرعمر کی بیوائیں: امتیازی سلوک اور بدسلوکی کا شکار ۔ یورپی یونین کیا کرسکتی ہے‘‘کے زیر عنوان سیمینار کا اہتمام برطانیہ سے یورپی یونین کے رکن پارلیمنٹ جولی وارڈ نے یورپی پارلیمنٹ میں کیاتھا۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.