کشمیری کل یوم حق خود ارادیت منائیں گے
بھارتیہ جنتاپارٹی کی حکومت نے مقبوضہ کشمیر کو جیل ، قبرستان میں تبدیل کر دیا ہے،یوسف تاریگامی
ہفتہ 4 جنوری 2020 18:04
(جاری ہے)
اس سال یہ دن ایک ایسے وقت میں منایا جا رہا ہے جب مقبوضہ کشمیر گزشتہ سال پانچ اگست سے مسلسل بھارتی فوجی محاصرے میں ہے۔
دریں اثنا ء بھارت کا مسلط کر دہ فوجی محاصرہ آج مسلسل 153ویں روز بھی جار ی رہا جس کے باعث کشمیریوں کو بدستور شدید مشکلات درپیش ہیںجبکہ سخت سردی نے بھی انکی پریشانیوںمیں اضافہ کر دیا ہے۔ مقبوضہ علاقے میں دفعہ 144کے تحت پابندیاں مسلسل نافذاور بڑی تعداد میں بھارتی فوجی تعینات ہیں۔ وادی کشمیر کو بیرونی دنیاسے ملانے والی واحد سرینگر جموں شاہراہ مختلف مقامات پرمٹی کے تودے گرنے کے باعث آج مسلسل چوتھے روز بھی بند رہی ۔ شاہراہ پر ہزاروں گاڑیوں کے علاوہ خواتین ، بچوں اور معمر افراد سمیت کم از کم 10ہزار افرادپھنسے ہوئے ہیں۔ بھارتی پولیس نے سرینگر کے ’ایس ایم ایچ ایس‘ ہسپتال پر چھاپہ مار کر ایک نوجوان کو گرفتار کر لیا۔ نامعلوم افراد نے آج سرینگر کے علاقے کائوڈارہ میں تعینات بھارتی سینٹرل ریزرو پولیس فورس کے اہلکاروں پر دستی بم پھینکاجس کے نتیجے میں متعدد گاڑیوںکو نقصان پہنچا۔ واقعے کے فوراً بعد بھارتی فوجیوں اور پولیس اہلکاروں نے علاقے کا محاصرہ کر کے حملہ آوروں کی تلاش شروع کر دی۔ کمیونسٹ پارٹی آف انڈیا (مارکسسٹ )کے سینئر رہنما محمد یوسف تاریگامی نے کولکتہ میں ایک تقریب سے خطاب کرتے ہوئے کہاکہ بی جے پی کی حکومت نے کشمیر کی خصوصی حیثیت ختم کرنے کے بعد مختلف سیاسی جماعتوں کے رہنمائوں کو نظربند کرکے اوراختلاف رائے رکھنے والوں کی آوازکو دباکر مقبوضہ کشمیر کو عملی طورپرایک قید خانے اور قبرستان میں تبدیل کردیا ہے۔ انہوںنے بھارت کے دانشوروں اور سول سوسائٹی کے ارکان پر زوردیا کہ وہ کشمیری عوام پر مظالم کے خلاف کھڑے ہوجائیں۔ بھارت کی قومی سلامتی کے سابق مشیرشیو شنکر مینن نے نئی دہلی میں ایک تقریب سے خطاب کرتے ہوئے کہاکہ قانون شہریت میں ترمیم اور کشمیر کی خصوصی حیثیت ختم کئے جانے سے بھارت اپنے اتحادیوں سمیت بین الاقوامی برادری سے الگ تھلگ ہوکر رہ گیا ہے۔ برسلز میں کشمیر کونسل یورپ کے چیئرمین علی رضا سید نے ایک بیان میں اقوام متحدہ سے اپیل کی ہے کہ وہ جموں وکشمیر میں استصواب رائے کرانے کے حوالے سے اپنی ذمہ داریاں پوری کرے تاکہ کشمیری عوام اپنا حق خودارادیت استعمال کرسکیں۔ ادھر سرینگر ،ماگام ، بڈگام اورکرگل میں ہزاروں افراد نے بغداد میں امریکی فضائی حملے میں ایران کے اعلیٰ فوجی جنرل قاسم سلیمانی کی کئی ایرانی اور عراقی فوجی کمانڈروں کے ہمراہ ہلاکت کے خلاف احتجاجی مظاہرے کئے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.