نااہل حکومت کوروناکامقابلہ کرنے کی سوجھ بوجھ نہیں‘پرویز ملک

صادق و امین کی ناک کے نیچے بدعنوانی، اقربا پروری ،راشن اورامدادی رقوم کی بندربانٹ جاری ہے‘خواجہ عمران نذیر

منگل 12 مئی 2020 18:14

نااہل حکومت کوروناکامقابلہ کرنے کی سوجھ بوجھ نہیں‘پرویز ملک

لاہور(اُردو پوائنٹ اخبارتازہ ترین - این این آئی۔ 12 مئی2020ء) پاکستان مسلم لیگ (ن) لاہور کے صدر محمد پرویز ملک و جنرل سیکرٹری خواجہ عمران نذیر نے کہا ہے کہ نااہل حکومت کوروناکامقابلہ کرنے کی سوجھ بوجھ نہیں،صادق و امین کی ناک کے نیچے بدعنوانی، اقربا پروری ،راشن اورامدادی رقوم کی بندربانٹ جاری ہے،عوام کاپیٹ خالی ہے جبکہ امدادی رقوم سے نااہل حکمران اپنی تجوریاں بھررہے ہیں۔

کپتا ن سمیت ان کی ٹیم میں ایک بھی کھلا ڑی پروفیشنل نہیں،پاکستان کی تاریخ میں ا س سے زیادہ نااہل اورنان سیریس لوگ اقتدار میں کبھی نہیں آئے،نالائقوں سے تین سالوں میں ایک میٹرو بس نہیں بن سکی نہ ہی اس کی تکمیل کی تاریخ دے سکی،سیاسی یتیموں کے ستارے گردش میں ہیں، اس لئے چیخیں نکل رہی ہیں۔

(جاری ہے)

ان خیالات کا اظہار انہوں نے گذشتہ روزاپنے حلقہ میں عوام کو احتیاطی تدابیر بتاتے ہوئے گفتگو کے دوران کیا۔

اس موقع پر سید توصیف شاہ،غزالی سلیم بٹ،کرنل مبشر جاوید،چوہدری عبدالمجید چن نمبردار، چوہدری شہباز سمیراامجد،اظہر فاروقی تنویر ضیا بٹ سمیت دیگر بھی موجود تھے۔انہوں نے کہا کہ نیب نیازی گٹھ جتنا بھی جتن کر لے شہباز شریف آپ کی کرپشن اور نالائقی کو بے نقاب کرتا رہے گا۔ عید سے پہلے اور بعد میں عوام کا آٹا چینی چوری کرنے والے جیل جانے والے ہیں۔

سیاسی یتیموں کی جماعت پی ٹی آئی کو پاکستان کے عوام نے مسترد کر دیا ہے۔، شہبازشریف نے دس سال پنجاب کے عوام کو رمضان المبارک میں اربوں کی سبسڈی دی،شہبازشریف کے قائم کردہ ماڈل بازاروں میں عوام کو سستی اورمعیاری اشیا ملتی تھیں۔انہوں نے کہا کہ عثمان بزدار کی بادشاہت میں نہ ماڈل بازار اور نہ سستی اشیانظرآرہی ہیں، دو ماہ سے پنجاب کا کوئی وزیر لاک ڈان میں قید عوام کے درمیان نہیں پہنچ سکا،حکومتی لوگ بے عزتی اور ذلت کے خوف سے عوام کا سامنا کرنے سے کتراتے ہیں۔انہوں نے کہا کہ ڈاکٹرز احتجاج کر رہے ہیں۔