پی ڈی ایم میں مریم نواز کی آواز بھی جلد آنا بند ہو جائے گی اور صرف مولانا فضل الرحمان رہ جائیں گے

پیپلزپارٹی نےاپنی راہیں پی ڈی ایم سےجدا کرلی ہیں، آصف علی زرداری زیرک آدمی ہیں اور اسٹیبلشمنٹ کےساتھ چلنا جانتے ہیں: عامر لیاقت حسین

محمد علی بدھ 13 جنوری 2021 21:43

پی ڈی ایم میں مریم نواز کی آواز بھی جلد آنا بند ہو جائے گی اور صرف مولانا ..

اسلام آباد (اُردو پوائنٹ اخبارتازہ ترین۔ 13 جنوری2021ء) عامر لیاقت حسین کا کہنا ہے کہ پی ڈی ایم میں مریم نوازکی آوازبھی جلدآنابندہوجائیگی اور صرف فضل الرحمان رہ جائیں گے، پیپلزپارٹی نےاپنی راہیں پی ڈی ایم سےجداکرلی ہیں،آصف علی زرداری زیرک آدمی ہیں اوراسٹیبلشمنٹ کےساتھ چلناجانتے ہیں۔ تفصیلات کے مطابق پاکستان تحریک انصاف کے رکن قومی اسمبلی عامرلیاقت نے نجی ٹی وی چینل کے پروگرام سے گفتگو کرتے ہوئے حکومت مخالف اپوزیشن اتحاد پی ڈی ایم کے حوالے سے بڑی پیشن گوئی کی ہے۔

حکمراں جماعت کے رہنما کا کہنا ہے کہ پی ڈی ایم میں نواز شریف کی صاحبزادی مریم نواز کی آواز بھی جلد ہی آنا بند ہوجائے گی اور پھر صرف مولانا فضل الرحمان ہی رہ جائیں گے۔ ان کا کہنا ہے کہ راولپنڈی اور جی ایچ کیو میں تھوڑا فرق ہے، مولانا فضل الرحمان راجہ بازار تک تو چلےجائیں گے لیکن ان کیلئے جی ایچ کیو جانا مشکل ہے۔

(جاری ہے)

پی ڈی ایم میں توڑ پھوڑ کے حوالے سے عامر لیاقت حسین کا کہنا ہے کہ پیپلزپارٹی نے اپنی راہیں اپوزیشن اتحاد سےجدا کرلی ہیں۔

سندھ اسمبلی میں وزیر اعلیٰ مرادعلی شاہ کی تقریر نے واضح کر دیا ہے کہ ان لوگوں نے اسمبلیوں میں ہی رہنا ہے۔ جبکہ پیپلز پارٹی کے شریک چئیرمین آصف علی زرداری ایک زیرک آدمی ہیں، وہ اسٹیبلشمنٹ کےساتھ چلنا جانتے ہیں۔ چئیرمین بلاول بھٹو وہی سب کچھ کر رہے ہیں جو ان کے والد انہیں بتاتے ہیں۔ وفاقی کابینہ میں اکھاڑ پچھاڑ اور وزیراعظم کی جانب سے وزراء پر برہمی کا اظہار کیے جانے کے حوالے سے عامر لیاقت کا کہنا ہے کہ کوئی کابینہ میں آئے گا ہی، جائے گا نہیں۔