’پی پی 38 میں تحریک انصاف نےن لیگ کو گھر میں گھس کر مارا‘

آزادکشمیراورپی پی 38میں‏شکست پرمخالفین بوکھلاہٹ کاشکار، وزیراعظم نےسندھ میں پی ٹی آئی کی ٹیم کومیدان میں اتاردیا، فردوش عاشق اعوان

دانش احمد انصاری اتوار 1 اگست 2021 20:04

’پی پی 38 میں تحریک انصاف نےن لیگ کو گھر میں گھس کر مارا‘

لاہور(اُردو پوائنٹ، اخبار تازہ ترین، یکم اگست 2021) وزیراعلیٰ پنجاب کی معاون خصوصی فردوش عاشق اعوان نے اپنے بیان میں کہا ہے کہ آزادکشمیراورپی پی 38میں‏شکست پرمخالفین بوکھلاہٹ کاشکار، پی پی 38 میں تحریک انصاف نےن لیگ کو گھر میں گھس کر مارا، وزیراعظم نےسندھ میں پی ٹی آئی کی ٹیم کومیدان میں اتاردیا۔ تفصیلات کے مطابقمعاون خصوصی برائے اطلاعات فردوس عاشق اعوان نے کہا ہے کہ آزادکشمیراورپی پی 38میں ‏شکست پرمخالفین بوکھلاہٹ کاشکارہیں، پی پی 38 میں تحریک انصاف نےن لیگ کو گھر میں گھس کر مارا۔

نیوزکانفرنس کرتے ہوئے فردوس عاشق اعوان نے کہا کہ سینٹرل پنجاب تحریک انصاف کامضبوط ‏مورچہ بننےجا رہا ہے پی پی 38 میں تحریک انصاف نےن لیگ کو گھر میں گھس کر مارا، شکست ‏کےبعداپوزیشن ایسی باتیں کررہی ہے۔

(جاری ہے)

فردوس عاشق اعوان نے کہا کہ تحریک انصاف سندھ میں جھنڈےگاڑنےجارہی ہے عمران خان کی ‏قیادت میں سندھ میں تبدیلی کےجھنڈےگاڑیں گے زیراعظم نےسندھ میں پی ٹی آئی کی ٹیم ‏کومیدان میں اتاردیاہے۔

انہوں نے کہا کہ وزیراعظم عمران خان سندھ کےعوام کوان کےحقوق دلائیں گے سندھ سے آنے ‏والے بیانیےکا مقصدعوام کی فلاح وبہبودنہیں۔ان کا کہنا تھا کہ سندھ میں پی ٹی آئی کےمتحرک ہونےسےمخالفین چیخیں ماررہےہیں ہمارا مقصد‏سندھ سے غربت کا خاتمہ کرناہے۔دوسری طرف بلاول بھٹو زرداری نے حکومت کو ٹف ٹائم دینے کیلئے اپوزیشن کو ایک پیج پرآنے کی دعوت دے دی ، پاکستان پیپلزپارٹی کے چیئرمین نے کراچی میں خطاب کرتے ہوئے کہا کہ آزاد کشمیر میں زیادہ پیسے والا وزیراعظم اور اسپیکر بنے گا، پیسے کی بنیاد پر بنی جعلی حکومت کو کھل کر کھیلنے کا موقع نہیں دیں گے، حکومت کو ٹف ٹائم دینے کیلئے اپوزیشن جماعتوں کو ایک پیج پر آنا چاہیے ، اپوزیشن جماعتوں کے ساتھ مل کر حکومت کوٹف ٹائم دینے کی کوشش کریں گے، آزاد کشمیر انتخابات میں دھاندلی ہوئی ہے، وفاقی حکومت نے آزاد کشمیرانتخابات میں پیسہ چلایا، وفاقی حکومت نے الیکشن کمیشن کے احکامات کو نظرانداز کیا، الیکشن کمیشن نے وفاقی وزیر پر پابندی لگائی، دوسرے روز وہ جلسوں میں شریک تھے، حکومت کو کھل کر کھیلنے کا موقع نہیں دیں گے، آزاد کشمیر کے عوام سے جمہوری حق چھینا گیا ہے۔

انہوں نے کہا کہ کشمیری عوام کے حقوق کے لیے جنگ لڑیں گے، پیپلزپارٹی جمہوری اور پارلیمانی سیاست پر یقین رکھتی ہے، بدترین الیکشن میں بھی پیپلزپارٹی کے امیدوار کامیاب ہوئے، کشمیر کے عوام کی آواز بنیں گے، دھاندلی بےنقاب کریں گے۔ بلاول بھٹو نے کہا کہ آزاد کشمیر میں پیسوں کی بنیاد پر جعلی حکومت بننے جارہی ہے، جس کے پاس زیادہ پیسہ ہوگا وہی آزاد کشمیر میں وزیراعظم اور اسپیکر بنےگا، کوشش ہوگی آزاد کشمیر اسمبلی میں اپوزیشن مشترکہ اسٹریٹجی اپنائے۔