Live Updates

پنجاب حکومت کا میٹرو سے سفر کرنے والوں کیلئے بہترین اقدام

کل سے میٹرو بس سروس سے پرانی بسوں کی چھٹی کردی جائے گی، پنجاب حکومت نے مسافروں کو بہترین سہولت مہیا کرنے کیلئے 64 نئی بسیں فلیٹ میں باقاعدہ شامل کر لیں ، ذرائع

دانش احمد انصاری اتوار 3 اکتوبر 2021 20:23

پنجاب حکومت کا میٹرو سے سفر کرنے والوں کیلئے بہترین اقدام

لاہور (اُردو پوائنٹ، اخبار تازہ ترین، 3اکتوبر 2021) کل سے میٹرو بس سروس سے پرانی بسوں کی چھٹی کردی جائے گی، پنجاب حکومت نے مسافروں کو بہترین سہولت مہیا کرنے کیلئے 64 نئی بسیں فلیٹ میں باقاعدہ شامل کر لیں ۔ تفصیلات کے مطابق نجاب حکومت نے میٹرو بس میں سفر کرنے مسافروں کی سہولت اور آسانی کےلیے ایک اور بہترین قدم اٹھالیا ۔پنجاب کے شہریوں کو بہتر ٹرانسپورٹ کا نظام فراہم کرنے کےلیے وزیراعلیٰ سردار عثمان بزدار کی جانب سے مسلسل کوششیں جاری ہیں اور اس سلسلے میں پنجاب حکومت نے شہریوں کو مزید بہتر سفری سہولیات فراہم کرنے کےلیے نئی میٹرو بسیں خرید لی ہیں۔

ذرائع کا کہنا ہے کہ کل سے میٹرو بس سروس سے پرانی بسوں کی چھٹی کردی جائے گی جب کہ 64 نئی میٹرو بسیں کل فلیٹ میں باقاعدہ شامل کی جائیں گی۔

(جاری ہے)

وزیراعلیٰ سردار عثمان بزدار نئی میٹرو بسوں کا افتتاح کریں گے جس کے بعد نئی میٹرو بسیں روزانہ ڈیڑھ لاکھ مسافروں کو سفری سہولت فراہم کریں گی۔پنجاب حکومت نے نئی ماحول دوست بس چین سے خریدی ہیں، جو آرام دہ سیٹوں، موبائل چارجنگ اور خودکار جراثیم کش نظام سے لیس ہیں۔

دوسری طرف سندھ میں گرین لائن منصوبے کے لیے بسیں پہنچنے کے بعدسندھ حکومت نے بھی بسیں لانےکا اعلان کر دیا۔ وزیر پارلیمانی امور مکیش ‏کمار کا کہنا ہے کہ جنوری تک 50 بسیں لارہے ہیں۔سندھ میں پبلک ٹرانسپورٹ کی دستیابی سےمتعلق اپوزیشن لیڈر نے نکتہ اعتراض پر کیا کہ ‏وزیراعلیٰ اور وزیر ٹرانسپورٹ نےکئی باربسیں لانے کے وعدےکئے بتایاجائے اورنج لائن کب بنےگی؟ انہوں نے کہا کہ گرین لائن کی 40بسیں آچکی ہیں،وزیراعظم عمران خان کاشکریہ! وزیرپارلیمانی امور نے جواب دیا کہ پی ٹی آئی والےکوئی ایک منصوبہ بتادیں جو ان کا خود کا ہو یہ دوسروں کے ‏منصوبوں پرپلیٹ لگاکرخوش ہو رہے ہیں پھربولتےہیں پچھلی تمام حکومتیں کرپٹ تھیں۔

انہوں نے کہا کہ بی آرٹی منصوبہ ملک کامہنگاترین منصوبہ ہے، 80بسیں نہیں صرف 40آئی ہیں جھوٹ بولنےمیں ‏ان کا کوئی ثانی نہیں ہے یہ جھوٹ بولتےہیں اورکہتےہیں کہ ہم نےبڑا تیر مارا۔ ‏ مکیش کمار چاولہ نے اعلان کیا کہ آئندہ سال جنوری میں ہم50بسیں لارہےہیں۔جس کے بعد سندھ اسمبلی کا ‏اجلاس کل دوپہر 2 بجے تک ملتوی کر دیا گیا۔ واضح رہے کہ کراچی میں پبلک ٹرانسپورٹ کی بدحالی پر 2015 میں مرتب کی جانے والی ایک تحقیق کی بنیاد پر فروری 2016 میں سابق وزیر اعظم نواز شریف نے اس منصوبے کا سنگ بنیاد رکھا تھا جسے 2017 کے اختتام تک مکمل ہونا تھا۔