Live Updates

صدر پیوٹین سے سستے تیل کی خریداری سے متلعق بات طے کر لی تھی

جب واپس آیا تو جنرل باجوہ نے کہا روس کی مذمت کرو وہ یوکرین پر حملہ کر رہا ہے، میں نے کہا ہندوستان تو مذمت نہیں کر رہا ہم کیوں کریں، میں کہہ رہا تھا سب سے بنا کر رکھیں، دنیا بھر میں خارجہ پالیسی ملک کے فائدہ کے لیے بنتی ہے۔چئیرمین پی ٹی آئی عمران خان کا قوم سے خطاب

مقدس فاروق اعوان پیر 13 فروری 2023 15:51

صدر پیوٹین سے سستے تیل کی خریداری سے متلعق بات طے کر لی تھی

لاہور (اُردو پوائنٹ ۔ اردو پوائنٹ ۔ 13 فروری 2023ء) پاکستان تحریک انصاف کے سربراہ عمران خان نے قوم سے خطاب کرتے ہوئے کہا ہے کہ میں اسکالر نہیں لیکن تاریخ کا طالب علم ہوں،دنیا میں ممالک قومیت کی بنیاد پر وجود میں آئے۔پاکستان کلمہ کی بنیاد پر ہے، اہل دانش لوگوں میں شعور اجاگر کریں کہ ہمارا بنیادی مقصد کیا ہے۔ کرکٹ کی وجہ سے دنیا دیکھنے کا موقع ملا،ہر ملک کو قریب سے دیکھا۔

کیاوجہ ہے کہ لوگ یورپ جانے کے لیے جان کی بھی پرواہ نہیں کرتے۔لوگ کشتیوں میں یورپ جاتے ہیں اور راستے میں مربھی جاتے ہیں۔ دنیا کی پہلی ریاست مدینہ تھی ، جو اصولوں ،عدل و انصاف کے اصول پر عمل کرتی تھی۔عمران خان نے مزید کہا کہ انسان صرف کسی کی خدمت سے غلام نہیں بنتا، غلام انسان نے کبھی بڑے کام نہیں کیے، ذہنی اور ثقافتی اثر قبول کرنا بھی غلامی ہے، جو انگریزی اچھی بولے اسے معاشرے میں عزت دیتے ہیں۔

(جاری ہے)

جن ممالک میں قانون کی حکمرانی نہیں ان کی حالت کیا ہے ،جن ممالک میں قانون کی حکمرانی ہے وہاں خوشحالی اور ترقی ہے۔عمران خان نے مزید کہا کہ آئین کہتا ہے 90 دن میں الیکشن ہوں۔ یہ سب مل کر کہہ رہے ہیں الیکشن نہیں ہوں گے۔ کہا جا رہا ہے الیکشن کرانے کے لیے پیسے نہیں ہیں۔بڑے وزیر چوری کرتے ہیں تب ملک تباہ ہوتا ہے۔دنیا بھر میں خارجہ پالیسی ملک کے فائدہ کے لیے بنتی ہے۔

پاکستان میں خارجہ پالیسی سے لوگوں کو نقصان پہنچایا جا تا ہے۔ پاکستان میں قبضہ گروپ پھر رہے ہیں۔ چین نے 450 وزیروں کو کرپشن پر سزائیں دی ہیں۔چائنا سب سے تیز ترقی کرتا ملک ہے۔عمران خان نے مزید کہا کہ جمہوریت وہ ہوتی ہے جو قانون کے برابر سب کو ایک کر دے۔ ہم نے روس سے اچھے تعلقات رکھنے کی کوشش کی،صدر پیوٹن سے طے کر لیا تھا کہ جیسے بھارت کو سستا تیل دے رہے ہیں ویسے ہمیں بھی دیں۔ہمیں روس سے ستی گندم اور تیل خریدنا تھا۔جب واپس آیا تو جنرل باجوہ نے کہا روس کی مذمت کرو وہ یوکرین پر حملہ کر رہا ہے۔میں نے کہا ہندوستان تو مذمت نہیں کر رہا ہم کیوں کریں۔میں کہہ رہا تھا سب سے بنا کر رکھیں۔