Live Updates

عمران خان کی گرفتاری کی ویڈیو سامنے آ گئی

رینجرز اہلکاروں کی بڑی تعداد عمران خان کو گرفتار کرکے گاڑی تک لے گئی،ویڈیو سوشل میڈیا پر وائرل

مقدس فاروق اعوان منگل 9 مئی 2023 14:53

عمران خان کی گرفتاری کی ویڈیو سامنے آ گئی

اسلام آباد ( اُردو پوائنٹ،اخبارتازہ ترین ۔ 09 مئی 2023ء) چیئرمین پی ٹی آئی عمران خان کو گرفتار کر لیا گیا۔ رینجرز نے سابق وزیراعظم کو حراست میں لیا۔ عمران خان کو اسلام آباد ہائیکورٹ احاطے سے گرفتار کیا گیا۔ نیب نے القادر ٹرسٹ کیس میں سابق وزیراعظم کو گرفتار کیا،عمران خان کی گرفتاری کے دوران وکلا اور پولیس میں ہاتھا پائی بھی ہوئی۔عمران خان کی گرفتاری کی ویڈیو بھی سامنے آ گئی ہے۔

ویڈیو میں دیکھا جا سکتا ہے کہ رینجرز اہلکاروں کی بڑی تعداد عمران خان کو گرفتار کرکے گاڑی تک لے گئی۔ذرائع کے مطابق عمران خان کی ٹانگ زخمی تھی جس وجہ سے انہیں آج وہیل چئیر پر ہی عدالت میں پیش کیا گیا تاہم رینجرز اہلکار عمران خان کو پکڑ کر گاڑی تک لے گئے۔

عمران خان کی ٹانگ زخمی تھی، انہیں گھسیٹے ہوئے لے کر جایا گیا pic.twitter.com/1bQwl0D9jC
— Muqadas Farooq Awan (@muqadasawann) May 9, 2023

(جاری ہے)

ذرائع کے مطابق عمران خان پر سکون بیٹھے تھے، شیشے توڑ کر عمران خان کو گرفتار کیا گیا۔

۔مراد سعید نے دعوٰی کیا ہے کہ چیئرمین پی ٹی آئی کو تشدد کر کے گرفتار کیا گیا جبکہ فواد چوہدری نے ٹویٹر پر اپنے بیان میں کہا کہ اسلام آباد ہائیکورٹ پر رینجرز نے قبضہ کر لیا،وکلاء کو تشدد کا نشانہ بنایا جا رہا ہے اور عمران خان کی گاڑی کے گرد گھیرا ڈال لیا گیا۔

عمران خان عدالت میں پر سکون بیٹھے تھے، شیشے توڑ کر عمران خان کو گرفتار کیا گیا، مناظر خود دیکھیں۔۔!!! pic.twitter.com/Q7CDHuxCpm
— Mughees Ali (@mugheesali81) May 9, 2023

۔دوسری جانب جسٹس عامر فاروق نے ریمارکس دئیے کہ ہائیکورٹ کی حدود کے اندر سے عمران خان کو گرفتار کیا گیا،گرفتاری کے دوران اسلام آباد ہائیکورٹ کے شیشے بھی توڑے گئے۔

اسلام آباد ہائیکورٹ کے چیف جسٹس نے عمران خان کی گرفتاری کا نوٹس لے لیا۔چیف جسٹس نے آئی جی اسلام آباد اور سیکرٹری داخلہ کو 15 منٹ میں طلب کر لیا۔ ایڈیشل اٹارنی جنرل کو بھی 15 منٹ میں پیش ہونے کی ہدایت کی گئی ہے۔ انہوں نے کہا کہ ہدایات لے کر فورا بتائیں یہ کام کس نے کیا۔کارروائی کرنا پڑی تو وزیراعظم اور وزراء کے خلاف بھی ہو گی۔