لاہور(اُردو پوائنٹ اخبارتازہ ترین - این این آئی۔ 29 مئی2023ء) گورنر
پنجاب محمد بلیغ الرحمن سے یہاں
گورنر ہائوس
لاہور میں چیئرمین سیاسی امور مرکزی
جمعیت اہلحدیث
پاکستان علامہ محتشم الٰہی ظہیر اور ناظم سیاسی امور محمد علی یزدانی نے ملاقات کی۔ ملاقات میں
تعلیم اور موجودہ ملکی صورتحال پر تبادلہ خیال کیا گیا۔اس موقع پر گفتگو کرتے ہوئے گورنر
پنجاب محمد بلیغ الرحمن نے کہا کہ سابق وزیر اعظم پاکستان
نواز شریف نے 28 مئی کو عالمی دبائو کے باوجود چاغی میں
ایٹمی دھماکے کر کے ملک کی سلامتی اور دفاع کو ناقابل تسخیر بنایا۔
انہوں نے کہا کہ وطن عزیز کے لیے جانوں کے نذرانے پیش کرنے والے سکیورٹی فورسز اور افواج
پاکستان کے شہدا ہمارا فخر اور ان کی یادگاریں قومی اثاثہ ہیں۔
(جاری ہے)
گورنر پنجاب نے کہا کہ مسلم لیگ (ن)کے ادوار میں ملک ترقی اور خوشحالی کی جانب گامزن تھا جبکہ مہنگائی کی شرح کم اور جی ڈی پی بلند شرح سے بڑھ رہی تھی۔انہوں نے کہا کہ مسلم لیگ (ن) نے اپنے دور حکومت میں ملک میں تعلیمی ادارے، ہسپتال اور موٹر ویز کا جال بچھادیا۔
گورنر
پنجاب نے کہا کہ نوجوان نسل قوم کا سرمایہ ہے انہیں درسگاہوں میں دنیاوی
تعلیم کے ساتھ ساتھ دینی
تعلیم سے روشناس کرانا اور ان کی کردار سازی پر زور دینے کی ضرورت ہے۔انہوں نے کہا کہ تعلیمی درسگاہیں ایسے نوجوان پیدا کریں جو
علامہ اقبال کے افکار کے مطابق جرات مند اور اعلی اخلاق کے حامل ہوں۔گورنر
پنجاب بلیغ الرحمن نے مزید کہا کہ حکومت عام آدمی کو ریلیف دینے کے لیے ہر ممکن اقدام اٹھا رہی ہے ۔
انہوں نے کہا کہ انشا اللہ بہت جلد تمام بحرانوں پر قابو پالیا جائے گا۔اس موقع پرچیئرمین سیاسی امور مرکزی
جمعیت اہلحدیث
پاکستان علامہ محتشم الہی ظہیر نے کہا کہ
جمعیت اہلحدیث پاکستان
پی ٹی آئی کی ملک دشمن سرگرمیوں کی بھرپور مذمت کرتی ہے۔ ناظم سیاسی امور محمد علی یزدانی نے کہا کہ شہدا کی یادگاروں کی بے حرمتی اور آرمی تنصیبات پر حملے کرنے والوں اور منصوبہ بندی کرنے والے افراد کو سخت سزا دی جائے۔
دریں اثنا گورنر
پنجاب محمد بلیغ الرحمن نے
گورنر ہائوس
لاہور میں روزنامہ آفتاب کے بانی و قائد اور آل
پاکستان نیوز پیپرز سوسائٹی کے مرکزی رہنما ممتاز احمد طاہر کی خدمات کو خراج تحسین پیش کرنے کے حوالے سے منعقدہ تعزیتی ریفرنس کی تقریب میں بطور مہمان خصوصی شرکت کی۔تقریب سے خطاب کرتے ہوئے گورنر
پنجاب محمد بلیغ الرحمن نے کہا کہ ممتاز احمد طاہر(مرحوم)اپنی ذات میں ایک ادارہ تھے۔
انہوں نے کہا کہ مرحوم نظریاتی صحافت کے علمبردار اور نہایت وضع دار شخصیت کے حامل تھے ۔ان کے انتقال سے بلاشبہ صحافت کا ایک باب بند ہوگیا۔گورنر
پنجاب نے کہا کہ ممتاز احمد طاہر(مرحوم)نے اے پی این ایس کے پلیٹ فارم سے علاقائی اخبارات کی ترقی وترویج کے لیے بے پایاں کام کیا۔ انہوں نے کہا کہ مرحوم نے ہمیشہ پسماندہ اور کمزورطبقوں بالخصوص جنوبی
پنجاب کے محروم طبقوں کے مسائل کے حل کے لیے آواز اٹھائی۔
گورنر
پنجاب نے کہا کہ کسی بھی چیز کے بارے میں رائے قائم کرنے سے پہلے حقائق جاننا اور تحقیق کرنا بہت ضروری ہے۔ انہوں نے مزید کہا کہ سچائی میں ہی دائمی کامیابی ہے۔گورنر
پنجاب محمد بلیغ الرحمن نے کہا کہ معاشرے میں حسن معاشرت کے لیے اپنی کمیوں اور دوسروں کی خوبیوں کو دیکھنے کی ضرورت ہے ۔ انہوں نے کہا کہ بحیثیت
گورنر معاشرے کے اندر اچھے کاموں کی حوصلہ افزائی کرنا میری ذمہ داری میں شامل ہے۔
گورنر
پنجاب نے کہا کہ ہمیں معاشرے میں مثبت رویوں کو فروغ دینے کے لئے بھر طریقے سے اپنا اپنا کردار ادا کرنا ہوگا تبھی ہم ایک ترقی یافتہ اور خوشحال معاشرہ تشکیل دے سکتے ہیں۔تقریب سے مجیب الرحمن شامی ، امتنان شاہد ، جمیل اطہر،سابق وفاقی وزیر
حامد سعید کاظمی، اے پی این، ایس کے عہدیداران اور
یوسف رضا گیلانی سمیت دیگر نے بھی خطاب کیااور ممتاز احمد طاہر (مرحوم)کی صحافتی خدمات کو خراج تحسین پیش کیا ۔
تقریب میں سابق
وزیراعظم پاکستان سید
یوسف رضا گیلانی ، وزیر اعلی
پنجاب کے مشیر برائے قانون و پارلیمانی امور، کنور دلشاد،صدر اے پی این ایس ، ناز آفریں، سرمد علی ،سیکرٹری اے پی این ایس، مجیب الرحمن شامی ، جمیل اطہر اور اخباری صنعت اور میڈیا سے تعلق رکھنے والے افراد نے کثیر تعداد میں شرکت کی۔
