2018ء کے انتخابات میں شہباز شریف کو ہرانے والے محمد خان لغاری کا پی ٹی آئی چھوڑنے کا اعلان

9 مئی کے پرتشدد واقعات کی وجہ سے پی ٹی آئی چھوڑنے کا فیصلہ کیا،پی ٹی آئی کے ریاست مخالف بیانئے کے ساتھ مزید نہیں چل سکتا۔ محمد خان لغاری

مقدس فاروق اعوان جمعہ 14 جولائی 2023 17:31

2018ء کے انتخابات میں شہباز شریف کو ہرانے والے محمد خان لغاری کا پی ٹی ..

اسلام آباد ( اُردو پوائنٹ،اخبارتازہ ترین ۔14جولائی 2023ء) 2018ء کے انتخابات میں شہباز شریف کو ہرانے والے محمد خان لغاری نے پی ٹی آئی چھوڑنے کا اعلان کر دیا۔محمد خان لغاری کا کہنا ہے 9 مئی کے پرتشدد واقعات کی وجہ سے پی ٹی آئی چھوڑنے کا فیصلہ کیا، فوجی تنصیبات پر حملوں اور شہدا کی یادگاروں کی بےحرمتی کی سختی سے مذمت کرتا ہوں،جیسے علاقے اور قوم کی پہلے خدمات کرتا رہا ہوں آئندہ بھی کرتا رہوں گا۔

علاقے اور ملک کی بہتری کے لیے فیصلہ لوں گا۔ انہوں نے کہا چئیرمین پی ٹی آئی کے ریاست مخالف بیانئے کے ساتھ مزید نہیں چل سکتا۔

تحریک انصاف کے رہنما محمد خان لغاری کا تحریک انصاف چھوڑنے کا اعلان pic.twitter.com/sjkkQ4AMQ0
— Sarfraz Nisar (@Zayan1309) July 14, 2023

سردار محمد خان لغاری 2018 کے الیکشن میں قومی اسمبلی کے حلقے این اے 192 ڈیرہ غازی خان سے منتخب ہوئے تھے۔انہوں نے انتخابات میں 80522 ووٹ لیے۔

(جاری ہے)

جب کہ ن لیگ کے شہباز شریف نے 67608 ووٹ حاصل کیے۔علاوہ ازیں پی ٹی آئی کی سابق ممبر پنجاب اسمبلی سعدیہ سہیل رانا نے ویڈیو بیان میں کہا کہ 9مئی کو ہونے والے واقعات کی مذمت کرتی ہوں، یہ واقعہ چیئرمین پی ٹی آئی کی ہدایت پر پیش آیا، وزیر آباد واقعہ کے وقت بھی عوام اور کارکنوں کو اکسایا گیا کہ وہ کینٹ کا رخ کریں۔

انہوں نے کہا کہ کور کمانڈر ہائوس میں جلائو گھیرائو ہمارے لئے بطور قوم دھچکا ہے، پاک فوج ہمارا غرور اور فخر ہے۔سعدیہ سہیل رانا نے کہا کہ میں پارٹی کے تمام عہدوں سے استعفیٰ دے کر سیاست چھوڑنے کا اعلان کرتی ہوں۔سرگودھا سے تعلق رکھنے والے پی ٹی آئی رہنماء سابق صوبائی اسمبلی فیصل فاروق چیمہ نے بھی ایک ویڈیو میں پارٹی چھوڑنے کا اعلان کرتے ہوئے کہا کہ آئندہ کا لائحہ عمل مشاورت کے بعد کروں گا۔ادھر کراچی سے تحریک انصاف کے رکن سندھ اسمبلی علی عزیز جی جی نے اپنے ویڈیو بیان میں پی ٹی آئی چھوڑنے کا اعلان کرتے ہوئے کہا کہ 9مئی کے واقعات کی مذمت کرتا ہوں، جو لوگ بھی 9مئی کے واقعات میں ملوث ہیں ان کی انکوائری کی جائے اور قانون کے مطابق سزا دی جائے۔