صدرآصف علی زرداری وفاق پاکستان کی علامت ہیں، وزیربحالیات

صدر زرادی پاکستان کو معاشی بحران سے نکالنے سمیت عالمی سطح پر پاکستان کا وقار بلند کرینگے،جاوید بڈھانوی

منگل 26 مارچ 2024 13:47

مظفرآباد(اُردو پوائنٹ اخبارتازہ ترین - این این آئی۔ 26 مارچ2024ء) آزاد حکومت ریاست جموں وکشمیر کے وزیر بحالیات جاوید بڈھانوی نے کہا ہے کہ صدر آصف علی زرداری وفاق پاکستان کی علامت ہیں۔ صدر زرادی پاکستان کو معاشی بحران سے نکالنے سمیت عالمی سطح پر پاکستان کا وقار بلند کرینگے اور تمام اکائیوں کو یکساں حقوق دینگے ان خیالات کا اظہار انھوں نے سابق وزیر اطلاعات ومرکزی رہنما پاکستان پیپلزپارٹی آزادکشمیر سردار عابد حسین عابد سے گفتگو کرتے ہوئے کیا۔

(جاری ہے)

انہوں نے کہا کہ پاکستان پیپلز پارٹی محروم طبقات کی نمائندہ جماعت ہے شہید ذوالفقار علی بھٹو اور شہید بے نظیر بھٹو کے وژن کے مطابق لوگوں کے مسائل ان کی دہلیز پر حل کرینگے۔انھوں نے مزید کہا کہ صدر آصف علی زرداری نے اٹھارہویں آئینی ترمیم کے ذریعے جمہوریت کو مضبوط کیا کہ آصف علی زرداری نے صوبوں کو خود مختاری دے کر وفاق کو مضبوط کیا، اٹھارہویں آئینی ترمیم وفاق اور تمام اکائیوں کے درمیان میثاق ہے۔انھوں نے کہا کہ پاکستان پیپلز پارٹی ملک میں سیاسی اور معاشی استحکام چاہتی ہے انھوں نے کہا کہ این ایف سی ایوارڈ صوبوں کا آئینی حق ہے، کسانوں کی حوصلہ افزائی کی جائے، کسان ملک کو خوراک کی پیداوار میں خود کفیل کریں گے۔