Live Updates

خفیہ ادارے کا کام عوام کا تحفظ کرنا ہے اسے پی ٹی آئی کو ختم کرنے پر لگایا گیا ہے ، عمران خان

مذاکرات کے معاملے پر غلط بیانی نہ کی جائے کہ ہم مذاکرات نہیں چاہتے، چیف جسٹس کو پیغام ہے کہ وہ ملک میں قانون کی حکمرانی قائم کروائیں،بانی پی ٹی آئی کی اڈیالہ جیل میں صحافیوں سے گفتگو

Faisal Alvi فیصل علوی جمعہ 14 جون 2024 16:27

خفیہ ادارے کا کام عوام کا تحفظ کرنا ہے اسے پی ٹی آئی کو ختم کرنے پر لگایا ..
راولپنڈی(اردو پوائنٹ اخبارتازہ ترین۔14جون 2024 ) پاکستان تحریک انصاف کے چیئرمین عمران خان کا کہنا ہے کہ خفیہ ادارے کا کام عوام کا تحفظ کرنا ہے اسے پی ٹی آئی کو ختم کرنے پر لگایا گیا ہے ، مذاکرات کے معاملے پر غلط بیانی نہ کی جائے، ہم مذاکرات نہیں چاہتے، چیف جسٹس کو پیغام ہے کہ وہ ملک میں قانون کی حکمرانی قائم کروائیں، مذاکرات کے معاملے پر غلط بیانی نہ کی جائے،جو جج ہمیں انصاف دینے لگتا ہے اسے پریشرائز کیا جاتا ہے،جب فیصلے اوپر سے بڑے صاحب کریں گے تو پھر ان سے مذاکرات کا کیا فائدہ؟۔

راولپنڈی کی اڈیالہ جیل میں صحافیوں سے گفتگو کرتے ہوئے بانی پی ٹی آئی نے کہا کہ جسٹس بندیال کے کہنے پر پی ڈی ایم سے مذاکرات کئے اس وقت کہا گیا بڑے صاحب نے فیصلہ کیا ہے جب تک بندیال ہے الیکشن نہیں ہوں گے۔

(جاری ہے)

چیف جسٹس کے سامنے قانونی کی حکمرانی میں مداخلت ہو رہی ہے۔ سیاستدان ہمیشہ مذاکرات میں ہی جاتا ہے۔ ہم نے مشرف دور میں بھی اس کے نمائندے سے مذاکرات کئے تھے حکومت سے نہیں۔

بانی پی ٹی آئی کا کہنا تھا کہ سرگودھا کے جج نے بتایا کہ کیسے خفیہ ادارے نے اس پر دباو ڈالا۔ اس جج کے گھر کی گیس کاٹ دی گئی۔ پی ٹی آئی کے جو جج ہیں ان پر دباو ڈالا جا رہا ہے۔قوم سرگودھا کے ایک، اسلام آباد ہائیکورٹ کے 6 اور سپریم کورٹ کے 3 ججز کو سلام پیش کرتی ہے۔عمران خان نے کہا کہ جو صحافی پی ٹی آئی کے حق میں بولتا ہے اسے پکڑ لیا جاتا ہے، روف حسن پر حملہ کرکے اس کا منہ کاٹ دیا گیا۔

علی زمان پر تشدد کیا گیا۔ اس سب میں خفیہ ادارہ شامل ہے۔ہمارے فوجی اور پولیس ملازم روز شہید ہورہے ہیں۔بجٹ کے متعلق گفتگو کرتے ہوئے عمران خان نے کہا کہ ہم نے 13 ہزار ارب کا ریونیو اکٹھا کرنا ہے۔ جس میں سے 9 ہزار 800 ارب قرض کا سود ادا کرنا ہے۔ بجٹ خسارہ پورا کرنے کیلئے ہمیں ساڑھے 7ہزار ارب کا قرض لینا پڑے گا۔ پاکستان تو ڈوب چکا ہے۔ یہ ملک صرف سرمایہ کاری سے بچے گا۔

جو قانونی کی حکمرانی سے ہی آئے گی۔ 50سال میں سب سے کم سرمایہ کاری اس سال آئی، ملک کا مستقبل اندھیرے میں چلا گیا، تنخواہ دار طبقے پر ٹیکس کا اضافی بوجھ بھی ڈال دیا گیا۔ ہمارا پارٹی دفتر توڑ دیا گیا ہے۔بانی پی ٹی آئی نے پارٹی کو پیغام دیتے ہوئے کہا کہ گروپنگ ختم کرکے اکھٹی ہو جائیں۔ یہ پاکستان کی زندگی موت کا فیصلہ ہے، اب بھی پارٹی میں جو گروپنگ کرے گا اسے نہیں چھوڑوں گا سخت الیکشن لوں گا۔
Live پی ٹی آئی پر پابندی سے متعلق تازہ ترین معلومات