آئندہ چوبیس گھنٹوں کے دوران اسلام آبادسمیت ملک کے مختلف علاقوں پرتیزہواؤں اور گرج چمک کے ساتھ بارش کا امکان

ہفتہ 14 ستمبر 2024 21:45

اسلام آباد (اُردو پوائنٹ اخبارتازہ ترین - اے پی پی۔ 14 ستمبر2024ء) آئندہ چوبیس گھنٹوں کے دوران خیبرپختونخوا، بالائی پنجاب، خطہ پوٹھوہار، اسلام آباد، شمالی بلوچستان، گلگت بلتستان اورکشمیر میں چند مقامات پرتیزہواؤں اور گرج چمک کے ساتھ بارش کا امکان ہے تاہم ملک کے بیشترعلاقوں میں موسم گرم اورخشک رہے گا۔ محکمہ موسمیات کے مطابق گزشتہ 24 گھنٹوں کے دوران ملک کے بیشترعلاقوں میں موسم گرم اورخشک رہا ہے جبکہ کشمیر، اسلام آباد، خطۂ پوٹھوہار، پنجاب، بالائی خیبرپختونخوا اور گلگت بلتستان میں چند مقامات پر تیز ہواؤں اور گرج چمک کے ساتھ بارش ہوئی۔

سب سے زیادہ بارش گڑھی دوپٹہ 40، مظفر آباد (ایئرپورٹ 5، سٹی 3)، کوٹلی ایک، اسلام آباد (ایئرپورٹ 38، سید پور 10، زیروپوائنٹ 6، گولڑہ 9، بوکرا 3)، اٹک 18، ڈی جی خان16، مری 6، چکوال، گجرات 5، منگلا 3، راولپنڈی (چکلالہ، شمس آباد 3)، سیالکوٹ ایئرپورٹ ایک، تخت بائی 27، سیدو شریف 11، کالام 9، مالم جبہ، کاکول 8، میر کھانی 7، بالاکوٹ، دیر 6، چراٹ 4، باچا خان ایئرپورٹ3، پشاور(ایئرپورٹ 3، سٹی ایک)، پٹن 2 اور استور میں ایک ملی میٹر بارش ریکارڈ کی گئی۔

(جاری ہے)

ہفتہ کو ریکارڈکیے گئے زیادہ سے زیادہ درجہ حرارت کی رپورٹ کے مطابق سبی 40، شہید بینظیرآباد، پڈعیدن، سکرنڈ اورتربت میں 39 ڈگری سینٹی گریڈ ریکارڈ کیا گیا ہے۔