جیکب آباد کے قومی شاہراہ پر حادثہ پولیس موبائل کا ٹائر برسٹ ہونے سے گاڑی موٹر سائیکل سے ٹکرا کر درخت میں جالگی

g3اہلکاروں سمیت 8افراد شدید زخمی دو کی حالت تشویشنا ک

منگل 4 فروری 2025 19:09

جیکب آباد(اُردو پوائنٹ اخبارتازہ ترین - آن لائن۔ 04 فروری2025ء)جیکب آباد کے قومی شاہراہ پر حادثہ پولیس موبائل کا ٹائر برسٹ ہونے سے گاڑی موٹر سائیکل سے ٹکرا کر درخت میں جالگی 3اہلکاروں سمیت 8افراد شدید زخمی دو کی حالت تشویشنا ک تفصیلات کے مطابق جیکب آباد کے آباد تھانے کی حدودگورشانی موڑ کے قریب قومی شاہراہ پر خوفناک حادثے میں 3پولیس اہلکاروں سمیت 8افراد شدید زخمی ہوگئے جن میں دوکی حالت تشویشناک بتائی جاتی ہے پولیس کا کہنا ہے کہ سابق نگراں وزیراعظم محمد میاں سومرو کی والدہ کی میت کراچی سے جیکب آباد لانے والی ایمبولینس کو کراچی سے اسکارڈ کرنے والی پولیس موبائل کا ٹائر پھٹنے سے پیش آیا پولیس موبائل ڈبل روڈ کی درمیانی فوٹ پاتھ عبور کرتے ہوئے دوسری سڑک پرسامنے سے آنے والے موٹر سائیکل کو ٹکراتے ہوئے درخت میں جاکر لگی جس کے نتیجے میں موٹر سائیکل پر سوار 5افراد شدید زخمی ہوگئے جن میں خاتون مرد اور بچے شامل ہیں دوسری جانب پولیس موبائیل کے ڈرائیور سمیت تین پولیس اہلکار بھی شدید زخمی ہوگئے پولیس کے مطابق زخمیوں میں کراچی کے رہائشی اہلکاروں میں محمد ایوب، نثار احمد اور ثناء اللہ شامل ہیں جبکہ موٹر سائیکل سواروں کی شناخت ظہیر سومرو، ظفر اللہ، غفار، عقیل اور شہزادی خاتون کے نام سے ہوئی ہے حادثے میں تمام زخمیوں کو سول اسپتال منتقل کیا گیا جہاں سے دو افراد کو تشویشناک حالت میں لاڑکانہ ریفر کردیا گیا، واضح رہے کہ پولیس موبائل محمد میاں سومرو کی والدہ کی میت کو کراچی سے جیکب آباد منتقل کرنے کے پروٹوکول میں شامل تھی۔